പ്രതികരിക്കാനില്ലെന്ന് തുറന്ന് പറഞ്ഞിരിക്കുകയാണ് നടി രാധിക ആപ്‌തെ ഇപ്പോള്‍. രാധിക ആപ്‌തെയാണ് ശരിക്കുമുള്ള നടി. പ്രതികരിക്കാനോ മറുപടി പറയാനോ ഒന്നിനും സമയമില്ലെന്ന് രാധിക പറഞ്ഞു.ദിവസങ്ങള്‍ക്ക് മുമ്പാണ് രാധിക അഭിനയിച്ച ചിത്രത്തിലെ ഒരു രംഗം നഗ്‌നവീഡിയോ ആയി ലീക്കായത്.എന്നാല്‍ അതിനെയെല്ലാം ചിരിച്ച് തള്ളുകയാണ് രാധിക ഇപ്പോള്‍. കഥാപാത്രങ്ങള്‍ തെരഞ്ഞെടുക്കുന്നതില്‍ മാത്രമല്ല, യഥാര്‍ഥ ജീവിതത്തിലും ഉറച്ച നിലപാടുകള്‍ നടിയാണ് രാധിക.
അനുരാഗ് കശ്യപ് സംവിധാനം ചെയ്ത ഷോര്‍ട്ട് ഫിലിമിലെ നടിയുടെ നഗ്‌ന രംഗമാണ് സോഷ്യല്‍ മീഡിയയില്‍ അടുത്തിടെ പ്രചരിച്ചത്. വെറെ പണിയൊന്നും ഇല്ലാതെയിരിക്കുന്നവര്‍ക്ക് വീട്ടിലിരുന്ന് എന്ത് വേണമെങ്കിലും പറഞ്ഞുണ്ടാകാമെന്നും രാധിക പറയുന്നു. ഇത്തരം പ്രശ്‌നങ്ങള്‍ക്കും താന്‍ പ്രതികരിക്കാനില്ലെന്നാണ് രാധിക പറയുന്നത്. അവരുടെ പ്രവൃത്തികള്‍ക്കെതിരെ പരാതി പറഞ്ഞു സമയം കളയാന്‍ നില്‍ക്കാത്തതാണ് നല്ലത്. ആ വീഡിയോ കണ്ട് ചിരിച്ചുതള്ളുകയാണ് ഞാന്‍ ചെയ്തത്. എനിക്ക് വേറെ തിരക്കുകളുണ്ട്. വെറുതെ ഇതിന് പുറകെ പോയി സമയം കളയാനില്ലെന്നും രാധിക പറഞ്ഞു.എന്നെയോ എന്റെ കുടുംബത്തെയോ ഇതൊന്നും ബാധിക്കില്ല. അതുകൊണ്ട് തന്നെ വിവാദങ്ങളെ അതിന്റെ വഴിക്ക് വിട്ടുവെന്നും രാധിക പറഞ്ഞു.
ലോകപ്രശസ്തരായ ആറ് സംവിധായകരുടെ കൂട്ടായ്മയില്‍ ഒരുങ്ങുന്ന ഹ്രസ്വചിത്ര സീരീസിന് വേണ്ടി അനുരാഗ് കശ്യപ് ഒരുക്കിയ ചിത്രത്തിലെ രംഗമാണ് ലീക്ക് ആയത്. ന്യൂയോര്‍ക്കിലേക്ക് അയച്ച ഹ്രസ്വചിത്രം ലാപ്‌ടോപില്‍ കണ്ട് ക്യാമറയില്‍ പകര്‍ത്തി സോഷ്യല്‍ മീഡിയയിലൂടെ പ്രചരിപ്പിക്കുകയായിരുന്നു. ഇതേത്തുടര്‍ന്ന് അനുരാഗ് കശ്യപ് മുംബൈ പൊലീസില്‍ പരാതി നല്‍കിയിരുന്നു. നടിയുടെ വീഡിയോ വാട്‌സ്ആപ്പിലും ഫെയ്‌സ് ബുക്കിലും പ്രചരിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha