പുതുതലമുറയ്ക്ക് വിവാഹം വെറുമൊരു ഫാഷനെന്ന് ജയറാം, മക്കളെ തങ്ങളുടെ മേഖലയില് എത്തിക്കുക എന്നത് എല്ലാ രക്ഷിതാക്കളുടെയും ആഗ്രഹമാണ്
മലയാളികള്ക്ക് എന്നും പ്രിയപ്പെട്ട നടനാണ് ജയറാം. എന്തിനെയും നിറഞ്ഞ ചിരിയോടെ നേരിടുന്ന ജയറാം പുതുതലമുറയിലെ വര്ദ്ധിച്ച് വരുന്ന വിവാഹമോചനത്തെ കുറിച്ചും പറയുന്നു. മലയാളത്തിലെ താരദമ്പതികളായിരുന്ന ലിസി പ്രിയദര്ശന്റെ വിവാഹം മോചന വാര്ത്ത കേട്ടപ്പോള് ഞെട്ടിപോയി. അവര് വിവാഹമോചനത്തിലെത്തുമെന്ന് ഒട്ടും പ്രതീക്ഷിച്ചിരുന്നില്ല.കുറച്ച് കൂടി അഡ്ജസ്റ്റ് ചെയ്തിരുന്നെങ്കില് പരിഹരിക്കാമായിരുന്നു എന്നും ജയറാം പറഞ്ഞു.
എല്ലാവര്ക്കും ഇഷ്ടമുള്ള താരദമ്പതികളായിരുന്നല്ലോ ലിസി പ്രിയദര്ശന്. പുതുതലമുറയില് വിവാഹം മോചനം വര്ദ്ധിക്കാന് നിരവധി കാരണങ്ങളാണ്. പ്രധാനമായി പുതുതലമുറയ്ക്ക് ഒന്നിനൊടും യാതൊരു ആത്മാര്ത്ഥതയുമില്ല. ന്യൂജനറേഷന് വിവാഹം ഫാഷനാണ്. വസ്ത്രം മാറുന്നത് പോലെയാണ് വിവാഹം ചെയ്യുന്നത്. ഒന്നിനെയും പക്വതയോടെ സമീപിക്കാത്തവരാണ് ഇന്നത്തെ പുതുതലമുറയിലുള്ളത്. സിനിമയോടുള്ള ആത്മാര്ത്ഥത കൊണ്ടല്ല ജീവിതത്തില് കിട്ടുന്ന നേട്ടങ്ങള്ക്ക് സിനിമയെ ദുരുപയോഗം ചെയ്യുകയാണ് പുതുതലമുറയെന്നും അദ്ദേഹം പറഞ്ഞു. മലയാള സിനിമയില് തന്നെ പ്രതിദിനം എത്രപേരാണ് വിവാഹമോചനത്തിനായി കോടതികളില് കയറിയിറങ്ങുന്നത്.അത് സിനിമാലോകത്ത് കൂടുതലാണെന്ന് ജയറാം ഉറപ്പിപ്പ് പറഞ്ഞു. യഥാര്ത്ഥ ജീവിതത്തെയും സിനിമ ജീവിതത്തെയും കുറിച്ച് ജയറാം തുറന്ന് പറഞ്ഞു.
മാത്രമല്ല സിനിമാലോകത്തെ ഇത്തരം സംഭവങ്ങള് വലിയ വാര്ത്തയാകുകയും ചെയ്യും. അപ്പോള് എല്ലാവരും അറിയുകയും ചെയ്യുന്നു. എന്നാല് പഴയ തലമുറയില് പെട്ടവരില് അത്തരം സംഭവങ്ങള് കുറയാന് കാരണം പരസ്പര വിശ്വാസവും ബന്ധത്തിന്റെ ഊഷ്മളതയുമാണെന്ന് ജയറാം പറയുന്നു. എന്തിനെയും നേരിടാനുള്ള ശക്തിയാണ് ആദ്യം മനുഷ്യര്ക്ക് വേണ്ടതെന്നും ജയറാം വ്യക്തമാക്കി. പുതുതലമുറയില് അച്ഛനും അമ്മയും മക്കളുമൊന്നും പരസ്പരം കാണുകയോ സംസാരിക്കുകയോ ചെയ്യുന്നില്ല.
അച്ഛനും അമ്മയും ജോലിയ്ക്ക് പോകുമ്പോള് മക്കള് ഫ്ളാറ്റിനകത്ത് തനിച്ച് കഴിയുന്ന അവസ്ഥയാണ്. ഇവര്ക്ക് പിന്നെ എവിടെനിന്നാണ് ബന്ധവും ബന്ധത്തിന്റെ മൂല്യവും വിലയും അറിയാനാകുന്നത്.പിന്നീട് രക്ഷിതാക്കളെ വൃദ്ധസദനങ്ങളില് എത്തിക്കുകയും ചെയ്യുന്നുവെന്ന് ജയറാം പറഞ്ഞു. സിനിമയും ജീവിതവും രണ്ടും രണ്ടുതന്നെയാണ്. കാരണം മനുഷ്യന്റെ താത്പര്യങ്ങളും സ്വപ്നങ്ങളും എല്ലായ്പോഴും വ്യത്യസ്ഥമായിക്കൊണ്ടിരിക്കും അതിന്റെ ചുവടുപിടിച്ചാണ് ജീവിതം മുന്നോട്ടുപോകുക.
സിനിമ എന്നത് ജീവിതവുമായി അഭേദ്യമായ ബന്ധമുണ്ടെങ്കിലും ഒരുതരത്തിലും അതിനെ യാഥാര്ത്ഥ്യവുമായി താരതമ്യം ചെയ്യാനാകില്ലെന്നും ജയറാം വ്യക്തമാക്കി. എല്ലാ സിനിമകളും മനുഷ്യന്റെ ജീവിതവുമായി ബന്ധപ്പെട്ടതായിരിക്കും. അതിനുദാഹരണമാണ് പ്രേക്ഷകര് ഓരോ സിനിമയെയും തന്റെ ജീവിതാനുഭവവുമായി ബന്ധിപ്പിക്കുന്നതെന്നും ജയറാം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha