കോണ്‍ഗ്രസിന്റേയും തരൂരിന്റെയും ഉറക്കം കൊടുത്താന്‍ ബോളിവുഡ് താരം മനീഷ കൊയ്‌രാള. മനീഷാ കൊയ്‌രാള നായികയാകുന്ന പുതിയ ചിത്രമായ ഗെയിം കോണ്‍ഗ്രസിനെ പിടിച്ചുലയ്ക്കുന്നതായി റിപ്പോര്‍ട്ട്. സുനന്ദാപുഷ്‌ക്കറിന്റെ ജീവിതമാണ് കഥയെന്ന അഭ്യൂഹം പരന്നതോടെ അണിയറ പ്രവര്‍ത്തകര്‍ക്ക് ഫോണ്‍കോളുകളുടെ ബഹളമാണെന്നാണ് റിപ്പോര്‍ട്ട്.

സിനിമയുടെ കഥയുമായി ബന്ധപ്പെട്ട ഒരു വിവരവും അണിയറക്കാര്‍ പുറത്ത് വിട്ടിട്ടില്ല. അതുകൊണ്ട് തന്നെ കഴിഞ്ഞ ദിവസം സിനിമയുടെ സംവിധായകന്‍ എഎംആര്‍ രമേഷിനെ ഒരു മുതിര്‍ന്ന കോണ്‍ഗ്രസ് നേതാവ് വിളിച്ച് വിവരം തേടിയതായി റിപ്പോര്‍ട്ടുണ്ട്. 
തമിഴിലും തെലുങ്കിലുമായി തയ്യാറാവുന്ന ചിത്രത്തിന്റെ കഥ സുനന്ദാ പുഷ്‌ക്കറിന്റെ ജീവിതമാണെന്നോ അല്ലെന്നോ സംവിധായകന്‍ പറഞ്ഞിട്ടില്ല. കഥ യഥാര്‍ത്ഥ സംഭവത്തെ ആസ്പദമാക്കിയാണെന്നും വിവാദം ഉണ്ടായേക്കുമെന്നുമാണ് നല്‍കുന്ന ഒരേയൊരു സൂചന. അതേസമയം സംശയിക്കുന്നത് പോലെയാണ് കഥയെങ്കില്‍ കോണ്‍ഗ്രസിനെ പൊള്ളിക്കാന്‍ പോന്നതായിരുക്കുമെന്നാണ് നേതാക്കള്‍ ഭയക്കുന്നത്.
സിനിമയുടെ പ്‌ളോട്ടിന്റെ വിവരം തേടാന്‍ നടിയും കോണ്‍ഗ്രസുകാരിയുമായ ഖുശ്ബുവിനെ പാര്‍ട്ടി അയച്ചിരുന്നു. ഇതിന് പുറമേ സിനിമയുടെ സാങ്കേതികവിദഗ്ദ്ധര്‍, അണിയറക്കാര്‍ എന്നിവര്‍ വഴിയും നേതാക്കള്‍ ചോദിച്ചു കൊണ്ടിരിക്കുകയാണ്. എന്നാല്‍ പാര്‍ട്ടി ഇതുവരെ ഔദ്യോഗികമായി സംവിധായകനെ സമീപിച്ചിട്ടില്ലെന്നാണ് കോണ്‍ഗ്രസിന്റെ കര്‍ണാടകാ ഘടകം പറയുന്നത്. 
മനീഷാ കൊയ്‌രാളയ്ക്ക് പുറമേ അര്‍ജുന്‍ സര്‍ജ, ശ്യാം എന്നിവരാണ് പ്രധാന താരങ്ങള്‍. ഫെബ്രുവരിയില്‍ സിനിമ തീയറ്ററില്‍ എത്തുമെന്നാണ് വിവരം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha