ഫിലിം പ്രൊഡ്യൂസേഴ്‌സ് അസോസിയേഷന്റെ വിലക്ക് തുടരുകയാണെങ്കില്‍ അഭിനയം നിര്‍ത്തുമെന്ന് കലാഭവന്‍ മണി. തനിക്ക് വിലക്കേര്‍പ്പെടുത്തിയത് അനാവശ്യ കാര്യത്തിനാണ്. പരാതിക്കാരന്‍ ഒരു സിനിമയും ചെയ്യാത്ത ആളാണെന്നും അദ്ദേഹം പറഞ്ഞു. നേരത്തെ മറുമലര്‍ച്ചി എന്ന ചിത്രത്തില്‍ അഭിനയിക്കുമ്പോള്‍ തെങ്ങില്‍ നിന്ന് വീണ് കാലൊടിഞ്ഞു. അതുകൊണ്ട് ഇപ്പോള്‍ പരാതി നല്‍കിയ ആളുടെ അന്നത്തെ പടത്തില്‍ അഭിനയിക്കാന്‍ സാധിച്ചില്ല.
അന്ന് അഡ്വാന്‍സ് തിരിച്ചുതരാമെന്ന് പറഞ്ഞതാണ്. അല്ലെങ്കില്‍ പരുക്ക് ഭേദമായ ശേഷം അഭിനയിക്കാമെന്ന് പറഞ്ഞു. പക്ഷേ നിര്‍മ്മാതാവ് പോയി പരാതി നല്‍കുകയായിരുന്നു. അതിന്റെ പേരിലാണ് നിര്‍മ്മാതാക്കളുടെ സംഘടന തനിക്ക് വിലക്കേര്‍പ്പെടുത്തിയതെന്നും മണി പറഞ്ഞു. നേരത്തെ തിലകന്‍ ചേട്ടനെയാണ് ഇങ്ങനെ ബുദ്ധിമുട്ടിച്ചിരുന്നത്. ഇത് തുടര്‍ന്നാല്‍ പരസ്യമായി പ്രഖ്യാപിച്ച് അഭിനയം നിര്‍ത്തുമെന്നും മണി കൂട്ടിച്ചേര്‍ത്തു.
വിവാദങ്ങളിലൊന്നും ഭയമില്ല. എളുപ്പം കുത്തിമറിച്ചിടാമെന്ന് ആരും വിശ്വസിക്കേണ്ടന്നും മണി പറഞ്ഞു. ഇപ്പോള്‍ മലയാളത്തില്‍ കുറച്ചു സിനിമകളെ ചെയ്യുന്നുള്ളൂ. അന്യഭാഷയില്‍ കൂടുതല്‍ ചിത്രങ്ങളുണ്ട്. മലയാളത്തില്‍ നിന്ന് ധാരാളം കഥകള്‍ കേള്‍ക്കുന്നുണ്ട്. എന്നാല്‍ അതിലെല്ലാം അഭിനയിച്ചാല്‍ നിര്‍മ്മാതാവിന്റെ പണം നഷ്ടമാകുമെന്നും മണി പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha