നയന്‍താരയുടെ കുട്ടിക്കാലം മുതലുള്ള സ്വപ്‌നം പൂവണിയുന്നു. തിരുവല്ല ബാലികാ മഠം സ്‌കൂളില്‍ പഠിക്കുന്ന കാലം മുതലുള്ള സ്വപ്‌നമായിരുന്നു നഴ്‌സറി ടീച്ചറാവുക എന്നത്. ഒരു തമിഴ് ചിത്രത്തിലൂടെ ആ സ്വപ്‌നം പൂവണിയുകയാണ്. ജീവ നായകനാകുന്ന തിരുനാള്‍ എന്ന ചിത്രത്തിലാണ് നയന്‍ നഴ്‌സറി ടീച്ചറായി എത്തുന്നത്. സംവിധായകന്‍ പിഎസ് രാംനാഥ് ഇക്കാര്യം അറിയിച്ചു. ഒരു സാധാരാണ നാഴ്‌സറി സ്‌കൂള്‍ ടീച്ചറുടെ വേഷമാണ്. ഇത് തമിഴ് ഓഡിയന്‍സിന് ഒരു പുതിയ കാഴ്ചയായിരിക്കുമെന്ന് സംവിധായകന്‍ പറയുന്നു.
ഈ മാസം അവസാനം കുംബകോണത്ത് ചിത്രത്തിന്റെ ഷൂട്ടിങ് ആരംഭിയ്ക്കും. ജീവ ഒരു ഗുണ്ടയുടെ വേഷത്തിലാണ് എത്തുന്നത്. നേരത്തെ ഇ എന്ന ചിത്രത്തിന് വേണ്ടി നയന്‍താരയും ജീവയും ഒന്നിച്ചിരുന്നു. നന്‍പന്‍ എന്ന ചിത്രത്തിന് ശേഷം ജീവ നായകനായ ചിത്രങ്ങളൊന്നും വലിയ വിജയം നേടിയിരുന്നില്ല. നയന്‍താരയുടെ താരപ്രഭയില്‍ ഈ ചിത്രം ശ്രദ്ധിക്കപ്പെടുമെന്നാണ് പ്രതീക്ഷ. ഹൈ് സ്‌കളിലെത്തിയപ്പോഴേക്കും എയര്‍ ഹോസ്റ്റസ് ആവണമെന്നായിരുന്നു നയന്‍സിന്റെ ആഗ്രഹം. അച്ഛന്‍ നേവിയിലായിരുന്നു. അതിനാലാണ് തനിക്ക് അങ്ങനെ ഒരു മോഹം പിന്നീട് ഉണ്ടായതെന്നും താരം പറഞ്ഞു.

മൂന്ന് കോടിയാണ് നയന്‍താരയുടെ പ്രതിഫലം. മുമ്പത്തെ പോലെ ചിത്രങ്ങളില്‍ ഓടി നടന്ന് അഭിനയിക്കാതെ വളരെ സെലക്ടീവായി അഭിനയിക്കാനാണ് നയന്‍താരയ്ക്ക് ഇഷ്ടം. അതുകൊണ്ടാണ് ഭാസ്‌ക്കര്‍ ദ റാസ്‌ക്കല്‍ പോലുള്ള മലയാള ചിത്രങ്ങളില്‍ അഭിനയിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha