സിനിമയല്ല, സന്തോഷമാണ് വലുതെന്ന് ഫഹദ് ഫാസില്‍. ചിത്രങ്ങള്‍ തുടര്‍ച്ചയായി പരാജയപ്പെട്ടതോടെ താരം അഡ്വാന്‍സ് വാങ്ങിയ തുക തിരികെ നല്‍കിയെന്നും അവധിയെടുത്ത് എവിടെയോ പോയെന്നും വാര്‍ത്തകളുണ്ടായിരുന്നു. പൊതുവെ ഇത്തരം വിഷയങ്ങളോടൊന്നും പ്രതികരിക്കാത്ത ഫഹദ് ഫാസില്‍ ഇതാദ്യമായി പ്രതികരിച്ചു. ഇവിടെ ഇങ്ങനെ നിന്നോളാം എന്ന് ഞാനാര്‍ക്കും വാക്കുകൊടുത്തിട്ടില്ലെന്നാണ് ഫഹദ് ഫാസില്‍ പറയുന്നത്. സന്തോഷമാണ് ഏറ്റവും പ്രധാനം. അത് കഴിഞ്ഞിട്ടാണ് സിനിമ, താരം വ്യക്തമാക്കി.

ചില ചിത്രങ്ങളുടെ അഡ്വാന്‍സ് തിരിച്ചു കൊടുത്തു എന്നത് ശരിയാണ്. ഡേറ്റ് മാത്രം കിട്ടിയെന്ന് കരുതി സ്‌ക്രിപ്റ്റില്ലാതെ സിനിമ ചെയ്യാനാകുമോ ഫഹദ് ചോദിച്ചു. പിന്നെ എനിക്കും തോന്നി കുറച്ചു സമയം വെറുതെ ഇരിക്കാന്‍. പേരന്റ്‌സിന്റെയും ഭാര്യയുടെയും ഒപ്പം കുറച്ചുസമയം ചെലവഴിക്കണം. യാത്രകള്‍ ചെയ്യണം. അല്ലാതെ ഇവിടെയിങ്ങനെ നിന്നോളാമെന്ന് ആരോടും പ്രോമിസ് ചെയ്തിട്ടില്ലെന്നാണ് ഫഹദിന്റെ വാക്കുകള്‍. വിനീത് കുമാര്‍ സംവിധാനം ചെയ്ത അയാള്‍ ഞാനല്ല എന്ന ചിത്രത്തിലാണ് ഫഹദ് ഫാസില്‍ ഒടുവില്‍ അഭിനയിച്ചത്. ചിത്രം പോസ്റ്റ് പ്രൊഡക്ഷന്‍ ജോലികളിലാണ്. ബോര്‍ബണ്‍ സ്ട്രീറ്റാണ് മറ്റൊരു ചിത്രം. വേറെ ചിത്രങ്ങളിലൊന്നം ഫഹദ് കരാറൊപ്പിട്ടില്ല.

നസ്‌റിയ അഭിനയിക്കുന്നതില്‍ തനിക്ക് എതിര്‍പ്പില്ലെന്ന് ഫഹദ് അടുത്തിടെ പറഞ്ഞിരുന്നു. രണ്ട് പേരും വിദേശയാത്രയിലാണ്. അതിന് ശേഷം താമസിക്കാതെ തിരികെ വരും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha