മോഹന്‍ലാലിന്റെ സ്‌നേഹത്തിന് മുന്നില്‍ പലരും തോറ്റിട്ടുണ്ട്, എന്നാല്‍ പൊതുവേ പരുക്കനും കര്‍ക്കശക്കാരനുമായ തിലകനും ലാലിന്റെ മുന്നില്‍ തോറ്റെന്ന് പറയുന്നത് അത്ഭുതമായാണ് പലരും കാണുന്നത്. തിലകന്‍ ലാലുമായി ഒരല്‍പ്പം പിണങ്ങിനില്‍ക്കുന്ന സമയത്താണ് സംഭവം നടന്നത്. അഴീക്കോട് മാഷും തിലകന്‍ ചേട്ടനും ചേര്‍ന്ന് ലാലിനെക്കുറിച്ച് ചിലതെല്ലാം പറഞ്ഞതോടുകൂടി അവരുടെ സൗഹൃദത്തിന് കുറെക്കൂടി വിള്ളല്‍ വീണിരുന്നു. ആ സമയത്തായിരുന്നു തിലകന്റെ മകളുടെ വിവാഹം. 

അന്ന് ഭാഗ്യലക്ഷിമിയ്‌ക്കൊപ്പം ഡബ്ബിംഗ് തിയേറ്ററിലുണ്ടായിരുന്ന സമയത്ത് തിലകന്‍ പറഞ്ഞു. മകളുടെ കല്യാണത്തിന് ലാലിനെ വിളിക്കണമെന്നുണ്ട്. പക്ഷേ അയാള്‍ക്ക് എന്നോട് ദേഷ്യമുണ്ട്. അതുകൊണ്ട് വരുമോയെന്നറിയില്ല.

ചേട്ടന്‍ വിളിക്ക് വരുന്നതോ വരാതിരിക്കുന്നതോ അയാളുടെ ഇഷ്ടം. പക്ഷേ വിളിക്കാതിരിക്കരുതെന്ന് ഭാഗ്യലക്ഷ്മി പറഞ്ഞു. താന്‍ വിളിച്ചാല്‍ അയാള്‍ ഫോണെടുക്കില്ല. തിലകന്‍ മുടന്തന്‍ ന്യായങ്ങള്‍ പറഞ്ഞു. തിലകന്‍ ലാലിനെ വിളിച്ചു. റിംഗ് ചെയ്യുന്നുണ്ട്. ഫോണെടുക്കുന്നില്ല. ഫോണ്‍ കട്ട് ചെയ്തിട്ട് തിലകന്‍ പറഞ്ഞു. കണ്ടോ അയാളെന്റെ ഫോണെടുക്കില്ല. ഒരു മെസേജ് അയയ്ക്കാന്‍ പറഞ്ഞു.

തൊട്ടുപിറകെ ലാല്‍ തിരിച്ചുവിളിച്ചു. ഇരുവരും എന്തൊക്കെയോ സംസാരിക്കുന്നുണ്ടായിരുന്നു. ഒടുവില്‍ ഫോണ്‍ വച്ചുകഴിഞ്ഞ് കുറേനേരം തിലകന്‍ മിണ്ടാതിരുന്നു. ആ കണ്ണുകള്‍ നനഞ്ഞിരുന്നു. എല്ലാം തെറ്റിദ്ധാരണകളായിരുന്നുവെന്ന് തിലകന് മനസിലായി. ഒരാളെ ദൂരെനിന്ന് നോക്കിക്കാണുന്നതു പോലെയല്ല, അയാളെ അടുത്തറിയുമ്പോള്‍. പിണക്കങ്ങളെല്ലാം മറന്നുകൊണ്ടുള്ള ലാലിന്റെ പ്രതികരണം തിലകനെ അത്ഭുതപ്പെടുത്തി. മോഹന്‍ലാലിന് മാത്രം കഴിയുന്ന മാജിക്കാണത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha