ഹിന്ദിയിലെയും തമിഴിലെയും സൂപ്പര്‍താരങ്ങള്‍ കോടീശ്വരന്‍മാരുടെ കുടുംബത്തിലെ വിവാഹത്തിനും മറ്റ് ചടങ്ങുകള്‍ക്കും പണം വാങ്ങി പങ്കെടുക്കാറുണ്ട്. ഷാരൂഖ് ഖാന്‍, സല്‍മാന്‍ഖാന്‍ എന്നിവര്‍ അത്തരം ചടങ്ങുകളില്‍ പങ്കെടുത്തിട്ടുണ്ട്. എന്നാല്‍ രജനീകാന്തും അതുപോലൊരു വിവാഹത്തില്‍ നൃത്തം ചെയ്യുന്നു. പണം വാങ്ങിയല്ലെന്ന് മാത്രം. സുഹൃത്തായ മോഹന്‍ ബാബുവിന്റെ മകളുടെ കല്യാണ റിസപ്ഷനാണ് താരം ചുവടുവയ്ക്കുന്നത്. 

സ്വകാര്യ ചടങ്ങുകളിലോ, പരസ്യചിത്രങ്ങളിലോ രജനികാന്ത് പങ്കെടുക്കാറില്ല. എന്നാല്‍ അടുത്ത സുഹൃത്തിന്റെ മകന്റെ വിവാഹസല്‍ക്കാരം ആയത് കൊണ്ടു മാത്രമാണ് താരം ചുവട് വയ്ക്കുന്നത്. ലിങ്കയുടെ പരാജയത്തില്‍ നിന്ന് രക്ഷപെടാന്‍ പുതിയ ചിത്രം ഒരുക്കാനുള്ള ശ്രമത്തിലാണ് രജനി. ഷങ്കറിന്റെ പുതിയ ചിത്രത്തില്‍ നായകനാകും എന്നാണ് റിപ്പോര്‍ട്ട്. അതേസമയം വിജയ്ക്ക് വെച്ച വേഷം താരം ചോദിച്ച് വാങ്ങുകയായിരുന്നെന്നും അറിയുന്നു. 

ലിങ്കയുടെയും കൊച്ചടയാന്റെയും പരാജയം കോടികളുടെ നഷ്ടമാണ് വരുത്തിയത്. അതിന്റെ നഷ്ടപരിഹാരം താരം കൊടുത്തിരുന്നു. എന്നാല്‍ ഷങ്കര്‍ ചിത്രത്തില്‍ അഭിനയിച്ച് അതിന്റെ മാനക്കേട് മാറ്റാനുള്ള ശ്രമത്തിലാണ് താരം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha