ലോഹത്തിന്റെ ഷൂട്ടിംഗ് പൂര്‍ത്തിയാക്കിയ മോഹന്‍ലാല്‍ ഒരു മാസത്തെ അവധിയില്‍. ഇന്നലെ മുംബൈയില്‍ പോയ താരം അവിടെ നിന്ന് മടങ്ങിയെത്തിയ ശേഷം ശബരിമലയില്‍ പോകും. ഒരുപാട് വര്‍ഷങ്ങള്‍ക്ക് ശേഷമാണ് മലകയറുന്നത്. ഓ ലൈല ഓയുടെയും ലോഹത്തിന്റെയും നീണ്ട ചിത്രീകരണത്തില്‍ നിന്ന് ആശ്വാസമായാണ് യാത്ര. പത്മകുമാറിന്റെ കനലാണ് അടുത്ത ചിത്രം. ഈ മാസം അവസാനത്തോടെ ഷൂട്ടിംഗ് തുടങ്ങുമെങ്കിലും താരം അടുത്തമാസമേ ജോയിന്‍ ചെയ്യൂ. അതിന് ശേഷം വൈശാഖിന്റെ പുലിമുരുകനില്‍ അഭിനയിക്കും.
ആരോഗ്യപരമായ ചില പ്രശ്‌നങ്ങളുള്ളതിനാല്‍ ചിത്രങ്ങളുടെ എണ്ണം കുറയ്ക്കാന്‍ മോഹന്‍ലാല്‍ തീരുമാനിച്ചിട്ടുണ്ട്. സ്‌റ്റേജ് ഷോകളും ടി.വി പരിപാടികളും കുറയ്ക്കും. ചികില്‍സാ സംബന്ധമായ ചില കാര്യങ്ങളും ജപ്പാന്‍ യാത്രയുടെ ഉദ്ദേശമാണ്. ഭാര്യ സുചിത്രയും മകന്‍ പ്രണവും ഒപ്പം ഉണ്ടാകും. 27ാം വിവാഹ വാര്‍ഷികം ആഘോഷിക്കുന്ന വേളയിലാണ് യാത്ര എന്ന പ്രത്യേകതയും ഉണ്ട്. 2015 ആയപ്പോള്‍ ലാല്‍ സിനിമയില്‍ എത്തിയിട്ട് 35 വര്‍ഷമായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha