തമിഴിലും മലയാളത്തിലും ജയിച്ചു; പക്ഷെ പ്ലസ് ടുവിന് തോറ്റു തൊപ്പിയിട്ടു
തമിഴ് സിനിമയിലും മലയാള സിനിമയിലും ഒരുപോലെ വിജയിച്ച മലയാളി സുന്ദരി ലക്ഷ്മി മേനോന് പ്ലസ് ടു പരീക്ഷയ്ക്ക് പരാജയപ്പെട്ടെന്ന് തമിഴ് മാധ്യമങ്ങള്. ഇന്നലെ തമിഴ്നാട്ടിലെ പ്ലസ് ടു ഫലം പ്രഖ്യാപിച്ചിരുന്നു. ഇതിന് പിന്നാലെയാണ് ലക്ഷ്മിയുടെ പരാജയ വാര്ത്ത തമിഴ് മാധ്യമങ്ങളില് പ്രചരിച്ചത്.
ഓണ്ലൈന് മാധ്യമങ്ങള് പ്രസിദ്ധീകരിച്ച വാര്ത്ത പിന്നീട് വാട്സ് ആപ്പിലൂടെയും പ്രചരിച്ചു. ലക്ഷ്മി കണക്ക് പരീക്ഷയ്ക്ക് പരാജയപ്പെട്ടുവെന്നാണ് വാര്ത്ത.
എന്നാല് ഈ വാര്ത്തയെല്ലാം കണ്ട് പൊട്ടിച്ചിരിക്കുകയാണ് ലക്ഷ്മി മേനോന്. കേരളത്തില് പരീക്ഷ എഴുതി ഫലം കാത്തിരിക്കുന്ന താന് എങ്ങനെ തമിഴ്നാട്ടിലെ പരീക്ഷയില് പരാജയപ്പെടുമെന്നാണ് ലക്ഷ്മി ചോദിക്കുന്നത്.
കേരള ബോര്ഡ് ഓഫ് ഹയര് സെക്കന്ഡറിക്ക് കീഴില് പരീക്ഷ എഴുതി ഫലം കാത്തിരിക്കുന്ന ലക്ഷ്മിയുടെ റിസല്റ്റ് മെയ് പതിമൂന്നിനേ പ്രഖ്യാപിക്കൂ. മാതൃഭാഷയായ മലയാളത്തേക്കാള് തമിഴില് സജീവമായ ലക്ഷ്മി തമിഴ്നാട്ടിലാണ് പഠിക്കുന്നതെന്ന് തെറ്റിദ്ധരിച്ചതാണ് ചില മാധ്യമങ്ങള്ക്കെങ്കിലും അബദ്ധം പിണഞ്ഞത്.
2013ല് എസ്.എസ്.എല്.സി ഫലപ്രഖ്യാപനത്തിന് പിന്നാലെയും ലക്ഷ്മി പരാജയപ്പെട്ടുവെന്ന ചില തമിഴ് മാധ്യമങ്ങളില് വാര്ത്ത പ്രചരിച്ചിരുന്നു. ലക്ഷ്മിക്ക് 268 മാര്ക്ക് മാത്രമേ ലഭിച്ചുള്ളൂ എന്നായിരുന്നു വാര്ത്ത. എന്നാല് 2013ല് 85 ശതമാനം മാര്ക്കോടെയാണ് ലക്ഷ്മി മേനോന് പത്താം ക്ലാസ് വിജയിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha