കോളിവുഡിലെ ഇപ്പോഴത്തെ ചൂടാന്‍ വാര്‍ത്ത നടി തൃഷയുടെ വിവാഹം മുടങ്ങി എന്നതാണ്. തൃഷയുടെ ആരാധകരും സോഷ്യല്‍ മീഡിയകളും ഈ വാര്‍ത്തയെ ആവേശത്തോടെയാണ് ചര്‍ച്ച ചെയ്യുന്നത്. പ്രമുഖ നിര്‍മ്മാതാവും വ്യവസായിയുമായ വരുണ്‍ മന്നിയനുമായാണ് തൃഷയുടെ വിവാഹം ഉറപ്പിച്ചിരുന്നത്. ഈ സംഭവത്തില്‍ പലരും വ്യത്യസ്തായ അഭിപ്രായങ്ങളാണ് പറഞ്ഞതും.
എന്നാല്‍ നിശ്ചയിച്ച വിവാഹം ഉപേക്ഷിച്ചെന്ന വാര്‍ത്തയ്ക്ക് തൃഷ സ്ഥിരീകരണവുമായി രംഗത്തെത്തി.

വിവാഹ നിശ്ചയത്തിന് പിന്നാലെ ഇരുവര്‍ക്കുമിടയില്‍ അസ്വാരസ്യങ്ങളുണ്ടായെന്നും തെന്നിന്ത്യന്‍ സിനിമയിലെ പ്രമുഖ താരമാണ് വിവാഹം മുടങ്ങിയതിന് പിന്നിലെന്നും പ്രചരണങ്ങളുണ്ടായിരുന്നു. ഊഹാപോഹങ്ങള്‍ വ്യാപകമായതിന് പിന്നാലെയാണ് തൃഷ ട്വിറ്ററിലൂടെ മറുപടിയുമായി മുന്നോട്ട് വന്നത്. തന്നെപ്പറ്റി പ്രചരിക്കുന്ന വാര്‍ത്തകള്‍ കേള്‍ക്കാന്‍ രസമുണ്ടെന്നും ഇപ്പോള്‍ തനിച്ചാണെന്നും സന്തോഷവതിയാണെന്നും തൃഷ ട്വീറ്റ് ചെയ്തു.
വിവാഹനിശ്ചയത്തിന് പിന്നാലെ തൃഷയോട് പുതിയ സിനിമകള്‍ കമ്മിറ്റ് ചെയ്യരുതെന്നും നിലവിലെ കരാര്‍ പൂര്‍ത്തിയാക്കിയാല്‍ മതിയെന്നും വരുണ്‍ ആവശ്യപ്പെട്ടതായും വാര്‍ത്തകള്‍ പ്രചരിച്ചിരുന്നു. കമല്‍ഹാസന്‍,ശെല്‍വരാഘവന്‍ എന്നിവര്‍ക്കൊപ്പമുളള പ്രൊജക്ടുകളിലേക്കും തെലുങ്കിലെ ചില പ്രൊജക്ടുകളും തൃഷ കമ്മിറ്റ് ചെയ്തതും വരുണിന് ഇഷ്ടക്കേടുണ്ടാക്കിയതായി കോളിവുഡ് മാധ്യമങ്ങള്‍ പറയുന്നു.
വിവാഹനിശ്ചയ ചടങ്ങിലേക്ക് വരുണുമായി ഇടഞ്ഞ് നില്‍ക്കുന്ന ധനുഷിനെ ക്ഷണിച്ചതും അസ്വാരസ്യത്തിന് കാരണമായെന്ന് കേള്‍ക്കുന്നു. ജയ് നായകനായ വരുണിന്റെ നിര്‍മ്മാണത്തിലുള്ള ചിത്രത്തിലെ നായികാ വേഷം തൃഷ നിരസിച്ചതും ഭിന്നത രൂക്ഷമാകുന്നതിന് കാരണമായതായും റിപ്പോര്‍ട്ടുകളുണ്ട്. ജനുവരിയിലാണ് തൃഷയും വരുണ്‍ മാനിയനുമായുള്ള വിവാഹ നിശ്ചയം നടന്നത്. ഇക്കാര്യത്തില്‍ വരുണ്‍ ഇതേവരെ പ്രതികരിച്ചിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha