ഉമ്മ എന്റെ ദൈവം... എല്ലാവരുടെയും ആദ്യത്തെ സുഹൃത്തും ജീവിതകാലത്തിലെ ഏറ്റവും അടുത്ത സുഹൃത്തും അമ്മ തന്നെയാണെന്ന് മമ്മൂട്ടി
ലോകമെങ്ങും മാതൃദിനം ആഘോഷിക്കുമ്പോള് മലയാളത്തിലെ മെഗാതാരം മമ്മൂട്ടിയും സ്വന്തം അമ്മയെപ്പറ്റി ഓര്ക്കുന്നു. അമ്മയില് നിന്ന് ചുംബനം വാങ്ങുന്ന ഫോട്ടോ പോസ്റ്റ് ചെയ്ത് ഏവര്ക്കും ആശംസകള് നേരുകയാണ് മലയാളത്തിന്റെ പ്രിയ താരം.
ലോകത്തില് എല്ലാവരുടെയും ആദ്യത്തെ സുഹൃത്ത് അമ്മയാണ്. മാത്രമല്ല, ജീവിതകാലത്തിലെ ഏറ്റവും അടുത്ത സുഹൃത്തും അമ്മ തന്നെയാണെന്നാണ് മമ്മൂട്ടി പറയുന്നത്.
മമ്മൂട്ടി ഫേസ്ബുക്കില് ഫോട്ടോ പോസ്റ്റു ചെയ്തതിനു തൊട്ടുപിന്നാലെ ആരാധകരുടെ കമന്റുകളും ലൈക്കുകളും ഷെയറുകളും നിറഞ്ഞു. മെഗാ സ്റ്റാറിനെ മലയാളത്തിന് നല്കിയ ഉമ്മയ്ക്ക് നന്ദി പറഞ്ഞും മാതൃദിനാശംസകള് നേര്ന്നുമാണ് ഫോട്ടോയ്ക്ക് താഴെ കമന്റുകള് നിറയുന്നത്. ഫാത്തിമ എന്നാണ് മമ്മൂട്ടിയുടെ ഉമ്മയുടെ പേര്. ഇസ്മയിലാണ് ബാപ്പ. കുടുംബത്തിലെ മൂത്ത പുത്രനാണ് മമ്മൂട്ടി. രണ്ട് അനുജന്മാരും മൂന്ന് സഹോദരികളുമുണ്ട്. സഹോദരന് ഇബ്രാഹിം കുട്ടിയും അഭിനേതാവാണ്.
അമ്മമാര്ക്കൊപ്പമുള്ള ചിത്രങ്ങള് തങ്ങളുടെ സോഷ്യല് മീഡിയ അക്കൗണ്ടുകളില് പോസ്റ്റു ചെയ്ത് ഓര്മകള് ആരാധകരുമായി പങ്കുവയ്ക്കുകയാണ് പല സെലിബ്രിറ്റികളും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha