സിനിമ എന്നത് ഒരു മായിക ലോകമാണ്. അതില്‍ പിടിച്ചു നില്‍ക്കുക ചെറിയൊരു കാലയളവ് മാത്രമായിരിക്കും. ആ കാലയളവില്‍ പരമാവധി ഉണ്ടാക്കുക. അതില്‍ നിന്നും കുറച്ചെടുത്ത് ഒരു ബിസിനസ് തുടങ്ങുക. അങ്ങനെ ആപത്ത് കാലത്ത് കാപത്ത് തിന്നാന്‍ പറ്റും. ഇതേ പാത പിന്‍തുടര്‍ന്നവരാണ് നമ്മുടെ സിനിമാതാരങ്ങിളില്‍ ചിലര്‍. അവരെല്ലാം സിനിമയും ബിസിനസും നന്നായി നടത്തുന്നവരുമാണ് ദിലീപ് ഹോട്ടല്‍ വ്യവസായത്തിന്റെ ഉടമയാണ്. മോഹന്‍ലാലും നിരവധി സംരംഭങ്ങളില്‍ മുതല്‍മുടക്കുള്ള താരമാണ്. 
വ്യവസായ സംരംഭകരായ താരങ്ങളുടെ നിരയിലേക്ക് ഇനി കാവ്യ മാധവനും. ഒരു ഓണ്‍ലൈന്‍ ഷോപ്പിംഗ് വെബ്‌സൈറ്റാണ് കാവ്യയുടെ ബിസിനസ് സംരംഭം.
സ്ത്രീകള്‍ക്ക് വേണ്ടിയുള്ള സാധനങ്ങളാകും കാവ്യയുടെ സൈറ്റില്‍ ലഭ്യമാകുക. സ്ത്രീകള്‍ക്ക് വേണ്ടിയുള്ള കംപ്ലീറ്റ് സേ്റ്റാര്‍ എന്ന നിലയ്ക്കാണ് വെബ് സൈറ്റ് തുടങ്ങുന്നതെന്ന് കാവ്യ പറഞ്ഞു. കൂടാതെ തന്റെ സൈറ്റില്‍ യുവ ഡിസൈനര്‍മാര്‍ക്ക് അവസരം നല്‍കുമെന്നും കാവ്യ വ്യക്തമാക്കി. പ്രമുഖ മാഗസിന് നല്‍കിയ അഭിമുഖത്തിലാണ് കാവ്യ ഇക്കാര്യം വെളിപ്പെടുത്തിയത്.
ചെറിയ ഇടവേളയ്ക്ക് ശേഷം ഷീ ടാക്‌സിയിലൂടെ തിരിച്ചുവരവ് നടത്തിയ കാവ്യ അഭിനയത്തിനൊപ്പം ബിസിനസ് രംഗത്തും ശ്രദ്ധ പതിപ്പിക്കാനാണ് തീരുമാനിച്ചിരിക്കുന്നത്. വിജയ് ബാബു നായകനായ ആകാശവാണി, നവാഗത സംവിധായകനായ സുനീഷ് ബാബുവിന്റെ ലാസ്റ്റ് ബെല്‍, ജിത്തു ജോസഫിന്റെ പേരിടാത്ത ചിത്രം എന്നിവയാണ് ഈ വര്‍ഷം കാവ്യയുടേതായി പുറത്തിറങ്ങാനുള്ള ചിത്രങ്ങള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha