എപ്പോള്‍ വേണമെങ്കിലും സിനിമ ഉപേക്ഷിക്കാമെന്ന വെളിപ്പെടുത്തലുമായി അനുഷ്‌ക ശര്‍മ്മ. ഒരു ടെലിവിഷന് നല്‍കിയ അഭിമുഖത്തിലാണ് താരം ആരാധകരെ ഞെട്ടിച്ചുകൊണ്ടുള്ള വെളിപ്പെടുത്തല്‍ നടത്തിയത്. പികെ, എന്‍എച്ച്10, ബോംബെ വെല്‍വെറ്റ് തുടങ്ങിയ ചിത്രങ്ങളിലൂടെ ഈ വര്‍ഷം മികച്ച തുടക്കമിട്ട് മുന്നേറുന്ന നടിയാണ് അനുഷ്‌ക്കാ ശര്‍മ്മ. കോഹ്ലിയുടെ കാമുകിയായ അനുഷ്‌ക ലോക ക്രിക്കറ്റ് മത്സരത്തിനിടെ ഏറെ വിമര്‍ശനം കേട്ടിരുന്നു. അനുഷ്‌ക സ്റ്റേഡിയത്തില്‍ വന്നതാണ് ഇന്ത്യ തോല്‍ക്കാന്‍ വരെ കാരണമെന്ന് ആരാധകര്‍ കണ്ടെത്തിയിരുന്നു.
വിവാദം കഴിഞ്ഞ് കുറേ നാളുകള്‍ അനുഷ്‌കയെ കാണാനില്ലായിരുന്നു. ഇപ്പോള്‍ പുതിയ ഞെട്ടിക്കുന്ന വെളിപ്പെടുത്തലുമായി അനുഷ്‌ക രംഗത്തെത്തി. ഇന്നോ നാളെയോ അടുത്ത വര്‍ഷമോ എപ്പോള്‍ വേണമെങ്കിലും താന്‍ സിനിമ ഉപേക്ഷിച്ചു പോയേക്കുമെന്നാണ് അനുഷ്‌ക പറയുന്നത്. 
കൂടുതല്‍ കാലം നില്‍ക്കാമെന്ന് കരുതുന്നില്ല. ചിലപ്പോള്‍ അടുത്ത വര്‍ഷം തന്നെ സിനിമ വിട്ടേക്കും. കുടുംബത്തെ ഒഴിവാക്കി ഒരു കാര്യത്തിനും ഇല്ല. 
ആസ്വദിക്കുന്നതുകൊണ്ട് മാത്രമാണ് ഇപ്പോഴും സിനിമയില്‍ തുടരുന്നത്. ജോലി സന്തോഷം തരുന്നുണ്ടെങ്കില്‍ തുടരും. അല്ലെങ്കില്‍ വിട്ടുപോകും. തീര്‍ച്ച
ലോകകപ്പില്‍ ഇന്ത്യ സെമിയില്‍ പുറത്തായതിന് ഏവരും അനുഷ്‌ക്കയെ വിമര്‍ശിച്ചെങ്കിലും അനുഷ്‌ക്ക തന്റെ എല്ലാമെല്ലാമാണെന്ന് പറഞ്ഞ് കോഹ്ലി പരസ്യമായി രംഗത്ത് വന്നിരുന്നു. ഇരുവരും തമ്മിലുള്ള വിവാഹം ഉടനുണ്ടാകുമെന്നും അതിന് ശേഷം അനുഷ്‌ക്ക സിനിമകള്‍ കുറച്ച് ശരിയായ കുടുംബിനിയായി മാറുമെന്നുമുള്ള ഊഹാപോഹങ്ങള്‍ക്ക് കരുത്തു പകരുന്നതാണ് താരത്തിന്റെ പുതിയ വെളിപ്പെടുത്തല്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha