മലയാളത്തിന്റെ സ്വന്തം നയന്‍സിന്റെ വിവാഹം നമ്മളാരും അറിയാതെ കഴിയാനോ? തമിഴ് സംവിധായകന്‍ വിഘ്‌നേശ് ശിവനുമായി നയന്‍താരയുടെ വിവാഹം കഴിഞ്ഞതായി ദേശീയ മാദ്ധ്യമങ്ങള്‍ റിപ്പോര്‍ട്ടു ചെയ്യുന്നു. കൊച്ചിയിലെ ഒരു പള്ളിയില്‍ വച്ചായിരുന്നു വിവാഹം.
നേരത്തെ തന്നെ ഇരുവരുടെയും വിവാഹനിശ്ചയം കഴിഞ്ഞിരുന്നുവെന്നും സിനിമാമേഖലയില്‍ പോലും ഈ വിവരം ആര്‍ക്കും അറിയില്ലായിരുന്നുവെന്നുമാണ് റിപ്പോര്‍ട്ടുകള്‍ പുറത്തുവന്നത്. വളരെ കുറച്ച് ആളുകള്‍ക്ക് മാത്രമേ വിവാഹത്തിന് ക്ഷണമുണ്ടായിരുന്നുള്ളൂ. നയന്‍സിനേക്കാള്‍ പ്രായം കുറവാണ് വിഘ്‌നേശിന്.
വിഘ്‌നേശ് സംവിധാനം ചെയ്യുന്ന നാനും റൗഡി താന്‍ എന്ന ചിത്രത്തിന്റെ സെറ്റില്‍ നിന്നാണ് ഇരുവരുടെയും പ്രണയ വാര്‍ത്ത ചോര്‍ന്നത്. വിജയ് സേതുപതിയും നയന്‍സുമാണ് ചിത്രത്തില്‍ പ്രധാന വേഷത്തിലെത്തുന്നത്. തുടര്‍ന്നാണ് ഇരുവരും വിവാഹിതരാകാന്‍ തീരുമാനിച്ചുവെന്ന തരത്തില്‍ വാര്‍ത്തകള്‍ പുറത്തുവന്നത്.
അഭ്യൂഹങ്ങള്‍ പരക്കുന്നതിനിടെയാണ് വിവാഹ വാര്‍ത്തയും റിപ്പോര്‍ട്ടു ചെയ്തത്. പ്രണയ സമ്മാനമായി വിഘ്‌നേശിന് നയന്‍സ് ഒരു വിലയേറിയ കാര്‍ സമ്മാനമായി നല്‍കിയെന്നും, ഇരുവരും ചില സ്വകാര്യ യാത്രകള്‍ നടത്തിയെന്നും റിപ്പോര്‍ട്ടു പുറത്തുവന്നത്. അടുത്തിടെ നയന്‍താര കേരളത്തിലെ തന്റെ വീട്ടിലേക്ക് വന്നിരുന്നു. കുടുംബാംഗങ്ങള്‍ക്കൊക്കെ വിഘ്‌നേശിനെ പരിചയപ്പെടുത്തി കൊടുത്തു എന്നും വാര്‍ത്തയുണ്ടായിരുന്നു.
പോടാ പോടി എന്ന ചിമ്പു ചിത്രമാണ് 29കാരനായ വിഘ്‌നേശ് ആദ്യമായി സംവിധാനം ചെയ്തത്. വേലയില്ലാ പട്ടധാരി എന്ന ചിത്രത്തിലൂടെ അഭിനയ രംഗത്തും വിഘ്‌നേശ് സാന്നിധ്യമറിയിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha