വിവാഹവാര്‍ത്ത നിഷേധിച്ച് നയന്‍താര രംഗത്തെത്തി. നയന്‍താരയും തമിഴ് സംവിധായകന്‍ വിഘ്‌നേഷ് ശിവനും തമ്മില്‍ രഹസ്യമായി വിവാഹിതരായന്ന് കഴിഞ്ഞ ദിവസം മാദ്ധ്യമങ്ങളില്‍ വാര്‍ത്തകള്‍ പ്രചരിച്ചിരുന്നു. സോഷ്യല്‍ മീഡിയയില്‍ വാര്‍ത്ത വൈറലായതോടെ ഇക്കാര്യം നിഷേധിച്ച് ഇവര്‍ രംഗത്തെത്തിയത്. 
താനും വിഘ്‌നേഷും വിവാഹിതരായെന്ന വാര്‍ത്ത അടിസ്ഥാനമില്ലാത്തതാണെന്ന് നയന്‍താര പറഞ്ഞു. എല്ലാ പെണ്‍കുട്ടികള്‍ക്കും വിവാഹം എന്നത് വലിയൊരു കാര്യമാണ്. അത് ഒളിച്ചു വയ്‌ക്കേണ്ട കാര്യമല്ല. തനിക്ക് വിവാഹമുണ്ടാകുമെങ്കില്‍ അക്കാര്യം ഔദ്യോഗികമായി അറിയിക്കുമെന്ന് നയന്‍താര പറഞ്ഞു. താനിപ്പോള്‍ കരാറൊപ്പിട്ട ചിത്രങ്ങളുടെ തിരക്കിലാണ്. വ്യാജ വാര്‍ത്ത പ്രചരിപ്പിക്കുന്നവരോടുള്ള അമര്‍ഷവും താരം വ്യക്തമാക്കി. 
ട്വിറ്ററിലൂടെ വിഘ്‌നേഷും വിവാഹവാര്‍ത്ത നിഷേധിച്ചു. \'വിവാഹ വിവാദങ്ങള്‍ സത്യമല്ല. ഇത്തരം തെറ്റായ അപവാദങ്ങള്‍ ജോലിയെ ബാധിക്കുകയും മാനസികമായി തളര്‍ത്തുകയും ചെയ്യും. മാദ്ധ്യമങ്ങളോട് ദയവായി സമാധാനമായിരിക്കാന്‍ അഭ്യര്‍ത്ഥിക്കുന്നു. 
നയന്‍താരയും വിഘ്‌നേഷും കൊച്ചിയിലെ ഒരു പള്ളിയില്‍ വച്ച് അതീവ രഹസ്യമായി കഴിഞ്ഞ ആഴ്ച വിവാഹിതരായെന്നായിരുന്നു വാര്‍ത്തകള്‍. നയന്‍താരയുമായി വളരെ അടുത്ത ചിലര്‍ മാത്രമാണ് ചടങ്ങില്‍ പങ്കെടുത്തതെന്നും റിപ്പോര്‍ട്ടുകളുണ്ടായിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha