സൂപ്പര്‍താരം മമ്മൂട്ടിക്ക് 31 വയസ്സ്, താരത്തിന്റെ മകനും യുവ നടനുമായ ദുല്‍ഖറിന് 33 വയസ്. മൈക്രോ സോഫ്റ്റിന്റെ ഹൗഓള്‍ഡ് ഡോട്ട് നെറ്റ് എന്ന സോഫ്ട് വെയറാണ് ഈ വിചിത്രമായ അവകാശവാദവുമായി എത്തിയത്. ഫോട്ടോ അപ്‌ലോഡ് ചെയ്താല്‍ ആളുകളുടെ പ്രായം പറയുന്ന മൈക്രോസോഫ്റ്റിന്റെ പുതിയ സോഫ്റ്റ്‌വെയറിന് വലിയ പ്രതികരണമാണ് ലഭിക്കുന്നത്. പ്രായം അറിയാന്‍ ചെയ്യേണ്ടത് ഇത്രമാത്രം. മൈക്രോസോഫ്റ്റിന്റെ ഹൗഓള്‍ഡ് ഡോട്ട് നെറ്റ് എന്ന വെബ്‌സൈറ്റ് സന്ദര്‍ശിക്കുക. പ്രായം അറിയേണ്ടയാളുടെ ചിത്രം അപ്‌ലോഡ് ചെയ്യുക. മൈക്രോസോഫ്റ്റ് പറയുന്ന പ്രായം ഏറെക്കെുറെ ശരിയാകുന്നുണ്ടെന്നാണ് അനുഭവസ്ഥര്‍ പറയുന്നത്.

എന്നാല്‍  ചില റിസല്‍ട്ടുകള്‍ കണ്ടാല്‍ ചിരിച്ചുപോകും. മലയാളത്തിന്റെ സൂപ്പര്‍താരം മമ്മൂട്ടിക്ക് 31 വയസ്സ് മാത്രമെ പ്രായമുള്ളു എന്നാണ് സോഫ്റ്റ് വെയറിന്റെ അവകാശവാദം.   പ്രിയതാരം മോഹന്‍ലാലിന് പ്രായം 40 ആണ്. ഫഹദ് ഫാസിലിന് 26 വയസ്സും യുവതാരം നിവിന്‍ പോളിക്ക് 31 വയസ്സുമാണ് സോഫ്റ്റ്‌വെയര്‍ പറയുന്നത്. ( താരങ്ങളുടെ ഔദ്യോഗിക ഫേസ്ബുക്ക് ചിത്രങ്ങള്‍ ഉപയോഗിച്ചാണ് തങ്ങള്‍ വയസ്സ് അന്വേഷിച്ചത്)

ഒരു മൈക്രോസോഫ്റ്റ് എഞ്ചിനീയര്‍ നിര്‍മിച്ച പുതിയ സോഫ്റ്റ്‌വെയര്‍ സോഷ്യമീഡിയയില്‍ ചര്‍ച്ചയായിക്കിഴിഞ്ഞിരിക്കുകയാണ്. വെബ്‌സൈറ്റ് പ്രവര്‍ത്തനം ആരംഭിച്ചതിന് ഏതാനും മണിക്കൂറുകള്‍ക്കകം 30,000 പേരാണ് പ്രായം അറിഞ്ഞതെന്ന് ടൈം റിപ്പോര്‍ട്ട് ചെയ്തു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha