സൗന്ദര്യം തുളുമ്പുന്ന വില്ലനായ ദേവനെ ഒതുക്കിയതാര്? മമ്മൂട്ടിയുടെ പ്രായമുള്ള ദേവന്‍ അദ്ദേഹത്തെ പോലെ സുന്ദരനാണ്. ഭരതന്‍ അടക്കമുള്ളവരുടെ ചിത്രങ്ങളില്‍ നായകനായി തിളങ്ങിയ ദേവന്‍ പിന്നീട് വില്ലനായും നിറഞ്ഞു. ന്യൂഡല്‍ഹിയിലും നായര്‍ സാബിലും ആ തിളക്കം മലയാളി കണ്ടതാണ്. എന്നാല്‍ ന്യൂഡല്‍ഹിയുടെ പ്രിവ്യൂ മദ്രാസില്‍ കണ്ടിരങ്ങിയ സംവിധായകന്‍ തമ്പികണ്ണന്താനം പറഞ്ഞ അഭിപ്രായമാണ് ദേവന്റെ കരിയറിന് വിലങ്ങ് തടിയായത്. ദേവന്‍ തകര്‍ത്ത് കളഞ്ഞെന്നാണ് തമ്പി പറഞ്ഞത്. അത് എല്ലാവരും ആസ്വദിച്ചെങ്കിലും ദേവന്റെ മനസില്‍ അത് ഒരു ഇടിവെട്ടായിരുന്നു.

പിന്നീട് 18 മാസം ദേവന് സിനിമകളില്ലായിരുന്നു. തങ്ങളേക്കാള്‍ സുന്ദരനായ വില്ലന്‍മാരെ ചില നായക നടന്‍മാര്‍ അംഗീകരിക്കില്ല. പ്രത്യേകിച്ച് മലയാളത്തില്‍. അതുകൊണ്ടാണ് താന്‍ പലപ്പോഴും ഒഴിവാക്കപ്പെട്ടതെന്നും ദേവന്‍ പറഞ്ഞു. ന്യൂഡല്‍ഹി കഴിഞ്ഞ് 18 മാസം കഴിഞ്ഞ് ഒരു തെലുങ്ക് ചിത്രത്തില്‍ അഭിനയിക്കാന്‍ വിളിച്ചു. നാടുവാഴികള്‍ എന്ന ചിത്രം തെലുങ്കില്‍ എടുക്കാന്‍ ഒരു പ്രമുഖ സംവിധായകന്‍ ചിത്രത്തിന്റെ വീഡിയോ കണ്ടു. എന്നാല്‍ പടം മുമ്പിറങ്ങിയ മറ്റൊരു തെലുങ്ക് പടമായതിനാല്‍ അവരത് ഉപേക്ഷിച്ചു. പക്ഷെ, സംവിധായകന് ദേവനെ ഇഷ്ടപ്പെട്ടു. അങ്ങനെ മറ്റൊരു ചിത്രത്തില്‍ വില്ലനാകാന്‍ ക്ഷണിച്ചു.

ചെന്ന് നേരില്‍ കണ്ടപ്പോള്‍ അതിലും കുഴപ്പമായി. നല്ല സൗന്ദര്യമുള്ള ദേവനെ എങ്ങനെ വില്ലനാക്കും എന്നായി. അത് കേട്ട് ദേവന്‍ കരഞ്ഞു. ഒടുവില്‍ ഒരു സീന്‍ എടുത്ത ശേഷം ദേവനെ മടക്കി അയയ്ക്കാന്‍ തീരുമാനിച്ചു. എന്നാല്‍ ആ സീനിലെ ദേവന്റെ പ്രകടനം സംവിധായകന് ഇഷ്ടപ്പെട്ടു.  ദേവന്‍ വില്ലനായി. മികച്ച വില്ലനുള്ള ആന്ധ്രാ സര്‍ക്കാറിന്റെ അവാര്‍ഡും നേടി. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha