ഫേസ് ബുക്കില്‍ ദുല്‍ഖര്‍ സല്‍മാന്‍ പോസ്റ്റ് ചെയ്തിരിക്കുന്ന ഫോട്ടോയാണ് ഇപ്പോള്‍ സംസാര വിഷയം. അമിതാഭ് ബച്ചനൊപ്പം ഇരിക്കുന്ന ആ ചെറിയ കുട്ടി സാക്ഷാല്‍ ദുല്‍ഖര്‍ സല്‍മാനാണ്. ഈ ഫോട്ടോയ്ക്ക് പിന്നിലൊരു കഥയുണ്ട്.
കുറച്ചുനാളുകളായി ഈ ചിത്രം താന്‍ അന്വേഷിക്കുയായിരുന്നെന്ന് ദുല്‍ഖര്‍ പറയുന്നു. ഒപ്പം നിന്ന് ചിത്രം എടുക്കണമെന്ന് ആഗ്രഹിച്ചിട്ടുള്ള താരങ്ങളില്‍ ഒരാളാണ് അമിതാഭ് ബച്ചന്‍. വാപ്പച്ചിയോട് അദ്ദേഹത്തിനൊപ്പം നിന്നൊരു ചിത്രമെടുക്കുന്നതിനുള്ള തന്റെ ആഗ്രഹവും പ്രകടിപ്പിച്ചിരുന്നു. അങ്ങനെ 1995ലെ അമ്മ ഷോയ്ക്ക് വേണ്ടി താജ് മലബാറില്‍ വാപ്പച്ചിയൊപ്പം അദ്ദേഹത്തിന്റെ എസ്എല്‍ആര്‍ കാമറയുമായി പോകുകയുണ്ടായി. അവിടെ ചെന്നപ്പോള്‍ അമിതാബ് ബച്ചന്‍ ഭക്ഷണം കഴിച്ചുകൊണ്ടിരിക്കുകയാണ്. അദ്ദേഹം എന്നോട് ഇഡിലി കഴിക്കാന്‍ ആവശ്യപ്പെട്ടു. ഞാന്‍ നേരത്തെ കഴിച്ചതാണെങ്കിലും അദ്ദേഹം ആവശ്യപ്പെട്ടപ്പോള്‍ നിരസിക്കാന്‍ തോന്നിയില്ല.
രണ്ടു സൂപ്പര്‍സ്റ്റാറുകള്‍ അവരുടെ സിനിമയെക്കുറിച്ചും ജീവിതത്തെക്കുറിച്ചും സംസാരിക്കുന്നത് കേട്ടുകൊണ്ടിരുന്നു. അവരുടെ ഇടയില്‍ ഇരുന്ന് ഒരു പ്ലേറ്റ് ഇഡിലി മുഴുവന്‍ കഴിച്ചുതീര്‍ത്തു. എന്റെ ജീവിതം തന്നെ ഒരു വൃത്തത്തിലായതുപോലെ തോന്നി. 
ഒകെ കണ്‍മണിയെ പ്രശംസിച്ച് അദ്ദേഹം ബ്ലോഗില്‍ എഴുതിയിരുന്നു. ആ വാക്കുകള്‍ക്ക് നന്ദി. അഭിനയം കൊണ്ടും അഭിനന്ദനങ്ങള്‍കൊണ്ടും ഞങ്ങള്‍ക്ക് എന്നും അങ്ങ് പ്രചോദനമാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha