നീനയാകാന് ലാല്ജോസ് വിളിച്ചത് ആന്ഡ്രിയയെ
ലാല്ജോസ് തന്റെ പുതിയ ചിത്രമായ നീനയിലേക്ക് നായികയാകാന് ആദ്യം വിളിച്ചത് ആന്ഡ്രിയ ജെര്മിയയെ. ലാല്ജോസുമായി അടുത്ത വൃത്തങ്ങളാണ് ഇക്കാര്യം വ്യക്തമാക്കിയത്. അന്നയും റസൂലിലെ ആന്ഡ്രിയയുടെ അഭിനയം ഇഷ്ടപ്പെട്ടാണ് സംവിധായകന് ആന്ഡ്രിയയെ ചെന്നൈയില് നിന്ന് വിളിപ്പിച്ചത്. ബിസിനസ് ക്ലാസ് ടിക്കറ്റും എടുത്ത് കൊടുത്തു. കഥ ഇഷ്ടപ്പെട്ട ആന്ഡ്രിയ ചിത്രം സൂപ്പര്ഹിറ്റാവുമെന്ന് പറഞ്ഞു. ലാല് ജോസിന് ഏറെ സന്തോഷമായി. ചിത്രത്തിനായി മുടി ടോംബോയിസ് സ്റ്റൈലില് മുറിക്കണമെന്നും ആവശ്യപ്പെട്ടു. അതും ആന്ഡ്രിയ സമ്മതിച്ചു. പക്ഷെ, 20 ലക്ഷം രൂപ പ്രതിഫലം ചോദിച്ചു.
സാധാരണ പ്രോഡക്ഷന് കണ്ട്രോളര്മാര് ഇടപെട്ട് പ്രതിഫലം കുറയ്ക്കാറുണ്ട്. അതിന് ശ്രമിച്ചപ്പോള് ആന്ഡ്രിയ സമ്മതിച്ചിരുന്നു. എന്നാല് പിന്നീട് സംവിധായകന് ബന്ധപ്പെട്ടപ്പോളൊക്കെ ഫോണെടുത്തില്ല. പിന്നീട് വിളിച്ചപ്പോള് മറ്റ് ചിത്രങ്ങള് കരാര് ചെയ്തതിനാല് മുടി മുറിക്കാന് ബുദ്ധിമുട്ടാണെന്ന് അറിയിച്ചു. എന്നാല് പ്രതിഫലമായിരുന്നു യഥാര്ത്ഥ പ്രശ്നം. മലയാളത്തിലെ പല പുതിയ താരങ്ങളുടെയും പ്രശ്നം ഇതാണ്. പ്രൊഡക്ഷന് കണ്ട്രോളര്മാര് ഇടപെട്ട് താരങ്ങള്ക്ക് പ്രതിഫലം കൂടുതല് വാങ്ങി കൊടുക്കും. എന്നിട്ട് അതിന്റെ കമ്മീഷനും കണ്ട്രോളര്മാര് കൈപ്പറ്റും. ഇങ്ങിനെയാണ് നിര്മാണ ചെലവ് കൂടുന്നത്.
നീനയിലെ നായകനാകാന് മലയാളത്തിലെ പല നടന്മാര്ക്കും പറ്റുമായിരുന്നു. അവരുടെ പ്രതിഫലം താങ്ങാനാവാത്ത കൊണ്ടാണ് തീരെ ലോ പ്രൊഫൈലിലുള്ള വിജയ് ബാബുവിനെ ലാല് ജോസ് നായകനാക്കിയത്. ലാല്ജോസിന്റെ നിര്മാണ കമ്പനിയായ എല്.ജെ ഫിലിംസാണ് ചിത്രം നിര്മിച്ചത്. തിയറ്ററുകളില് നിന്ന് മികച്ച അഭിപ്രായമാണ് ചിത്രത്തിന് ലഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha