ഫ്രഞ്ച് നടി ആരാധന മൂത്ത് മലയാളി സംവിധായകന്‍ രൂപേഷ് പോളിന് മുന്നില്‍ തുണിയുരിഞ്ഞെന്ന വാര്‍ത്ത നിഷേധിച്ച് ഫ്രഞ്ച് യുവതി രംഗത്ത്. ഒറോറ നൊയ്ഹാസ് എന്ന യുവതിയാണ് രൂപേഷിനൊപ്പം മേല്‍വസ്ത്രമില്ലാതെ ഫോട്ടോയ്ക്ക് പോസ് ചെയ്തത്. തന്നോടുള്ള ആരാധന മൂത്ത് ഫ്രഞ്ച് യുവതി തുണിയുരിഞ്ഞെന്നും തന്നോട് ചാന്‍സ് തേടിയെന്നുമായിരുന്നു രൂപേക്ഷിന്റെ അവകാശവാദം.
എന്നാല്‍ ഇതിനെതിരെ രൂക്ഷമായ ഭാഷയിലാണ് ഒറോറ പ്രതികരിച്ചത്. താന്‍ നടിയല്ല രൂപേഷ് ആരാണെന്ന് പോലും തനിക്ക് അറിയില്ലെന്നും ഒറോറ പറഞ്ഞു. ഫെയ്‌സ്ബുക്ക് പേജിലൂടെയാണ് ഒറോറയുടെ പ്രതികരണം. ഫെയ്‌സ്ബുക്കിലൂടെയാണ് മലയാള മാധ്യമങ്ങളില്‍ വാര്‍ത്ത വന്നത് ഒറോറ അറിഞ്ഞത്.
തനിക്കൊപ്പം ഫോട്ടോയെടുക്കാന്‍ രൂപേഷ് ആവശ്യപ്പെടുകയായിരുന്നു. മേല്‍വസ്ത്രമില്ലാതെ നടക്കാനുള്ള അവകാശത്തിന് വേണ്ടിയുള്ള സമരത്തിന്റെ ഭാഗമായാണ് താന്‍ വസ്ത്രമുരിഞ്ഞതെന്നും ഒറോറ പറഞ്ഞു. കാന്‍ ചലച്ചിത്ര മേളയുടെ വേദിയില്‍ വച്ച് കണ്ടപ്പോള്‍ മറ്റുള്ളവരെ പോലെ രൂപേഷും ഫോട്ടോ എടുക്കാന്‍ അനുമതി തേടി. ഇതാണ് യഥാര്‍ത്ഥത്തില്‍ സംഭവിച്ചതെന്നും യുവതി വ്യക്തമാക്കി.
അതേസമയം യുവതിയുടെ പ്രതികരണം വന്നതോടെ രൂപേഷ് പോള്‍ മലക്കം മറിഞ്ഞു. യുവതി തന്റെ ആരാധികയാണെന്ന് താന്‍ പറഞ്ഞിട്ടില്ല. ചലച്ചിത്ര താരമാണെന്ന് പറഞ്ഞാണ് യുവതി തന്നെ സമീപിച്ചതെന്നും രൂപേഷ് ഫെയ്‌സ്ബുക്ക് കുറിപ്പില്‍ വ്യക്തമാക്കി. സിനിമ നല്‍കുന്ന പ്രശസ്തിയേക്കാള്‍ ഇത്തരം പബ്ലിസിറ്റി താന്‍ ആസ്വദിക്കുന്നുണ്ടെന്നും രൂപേഷ് പോള്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha