ചിരഞ്ജിവി ചിത്രത്തില് അഭിനയിക്കാന് നയന്സ് ചോദിച്ചത് മൂന്ന് കോടി
തെലുങ്ക് സൂപ്പര് താരം ചിരഞ്ജീവി ഏറെക്കാലത്തെ ഇടവേളക്ക് ശേഷം തിരിച്ചു വരവിനൊരുങ്ങുന്ന ചിത്രത്തില് തെന്നിന്ത്യയിലെ മുന്നിര നടിമാരില് ഒരാളായ നയന്താരയെ ഒഴിവാക്കി. ചിരഞ്ജീവിയുടെ സിനിമാ ജീവിതത്തിലെ നാഴികക്കല്ലാകാന് പോകുന്ന ചിത്രത്തിലേക്കാണ് നയന്താരയെ നായികയായി പരിഗണിച്ചത്.
തിരിച്ചുവരവില് കോളിവുഡിലും മോളിവുഡിലും ടോളിവുഡിലും നയന്താരയ്ക്ക് ഡിമാന്റാണ് മുമ്പേ വാര്ത്തകള് വന്നിരുന്നു. യുവതാരങ്ങള്ക്കൊപ്പം സൂപ്പര്സ്റ്റാറുകളും നയന്താരയുടെ ഡേറ്റിന് വേണ്ടി കാത്തിരിക്കുകയാണെന്നായിരുന്നു വാര്ത്തകള്.
ചിരഞ്ജീവി ചിത്രത്തില് അഭിനയിക്കാന് നടി മൂന്ന് കോടി രൂപയാണത്രെ ആവശ്യപ്പെട്ടതെന്നാണ് പുറത്ത് വരുന്ന റിപ്പോര്ട്ട്. ഈ തുകയ്ക്ക് ടോളിവുഡില് നിന്നുതന്നെ രണ്ട് ഹീറോയിനുകളെ അഭിനയിപ്പിക്കാം എന്നാണ് ചിത്രത്തിന്റെ സംവിധായകന് പൂരി ജഗന്നാഥന് പറയുന്നത്.
ചിരഞ്ജീവിയും നയന്താരയും ഇത് വരെ ഒരുമിച്ച് വെള്ളിത്തിരയില് പ്രത്യക്ഷപ്പെട്ടിട്ടില്ല എന്നതും ഈ കൂട്ടുകെട്ടിന്റെ സാധ്യത വര്ദ്ധിപ്പിപ്പിരുന്നു.പൂരി ജഗന്നാഥ് സംവിധാനം ചെയ്യുന്ന ചിത്രം നിര്മ്മിക്കുന്നത് ചിരഞ്ജീവിയുടെ മകനായ രാം ചരനാണ്. ബി.വി എസ് രവിയാണ് രചന.
ചിരഞ്ജീവിയുടെ ജന്മദിനമായ ഓഗസ്റ്റ് 22നായിരിക്കും ചിത്രത്തിനെ സംബന്ധിച്ച ഔദ്യോഗിക വിവരങ്ങള് പുറത്തു വിടുക. സപ്തംബറില് ചിത്രീകരണം ആരംഭിക്കുന്ന സിനിമ 2016ലെ ശങ്ക്രാന്തി ഉത്സവത്തോടനുബന്ധിച്ച് തിയേറ്ററില് എത്തുമെന്ന് പ്രതീക്ഷിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha