ചാര്‍മി അഭിസാരികയായി ബുള്ളറ്റിലെത്തുന്നു. പുരി ജഗന്നാഥ് സംവിധാനം ചെയ്യുന്ന പുതിയ ചിത്രത്തിലാണ് താരം പുതിയ ഗെറ്റപ്പിലെത്തുന്നത്. ഒരു ദിവസം സംവിധായകന്‍ ചാര്‍മിയെ വിളിച്ച് 500 സിസി ബൈക്ക് ഓടിക്കാമോ എന്ന് ചോദിച്ചു. ശ്രമിക്കാമെന്ന് പറഞ്ഞു. ഉടന്‍ ചിത്രത്തിലെ ഒരു സീന്‍ അദ്ദേഹം വിവരിച്ചു. ഒരു പൊലീസുകാരന്റെ ബൈക്ക് തട്ടിയെടുത്ത് ഓടിച്ചുകൊണ്ട് പോകുന്ന സീനായിരുന്നു അത്. കേട്ടപ്പോഴേ ഇഷ്ടമായി. ഉടന്‍ തന്നെ അഭിനയിക്കാമെന്ന് വാക്ക് കൊടുത്തു. 

ചാര്‍മിക്ക് 13 വയസുള്ളപ്പോള്‍ സഹോദരന് ഒരു ബന്ധു ബൈക്ക് വാങ്ങി കൊടുത്തു. അന്ന് ആ ബൈക്ക് ഇടയ്ക്ക് സഹോദരന്‍ അറിയാതെ ചാര്‍മി എടുത്തു കൊണ്ട് പോകുമായിരുന്നു. അങ്ങനെയാണ് താന്‍ ബൈക്ക് റൈഡിംഗ് പഠിച്ചതെന്ന് ചാര്‍മി പറഞ്ഞു. പക്ഷെ, സിനിമയില്‍ സാരിയുടുത്താണ് ബുള്ളറ്റ് ഓടിച്ചത്. അത് കുറച്ച് പ്രാക്ടീസ് ചെയ്തു. ഗോവയിലായിരുന്നു ചിത്രീകരണം. ലൈംഗിക തൊഴിലാളിയായി ആദ്യമായാണ് അഭിനയിക്കുന്നത്. സ്ത്രീകളുടെ ജീവിതം കൂടുതല്‍ മനസിലാക്കാന്‍ കഴിഞ്ഞെന്നും ചാര്‍മി പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha