അശരണര്ക്ക് സഹായവുമായി മമ്മൂട്ടി വീണ്ടും
അശരണര്ക്ക് സഹായവുമായി പ്രിയ നടന് മമ്മൂട്ടി വീണ്ടും രംഗത്ത്. കുട്ടമ്പുഴക്കാര്ക്കാണ് മമ്മൂട്ടിയുടെ സഹായം ഇത്തവണ ലഭിച്ചത്. മമ്മൂട്ടിയുടെ പ്രസ്ഥാനമായ കെയര് ആന്ഡ് ഷെയര് എന്ന സംഘടന ചെയ്തു വരുന്ന കാരുണ്യ പ്രവര്ത്തനങ്ങളുടെ സഹായ ഹസ്തമാണ് കുട്ടമ്പുഴയ്ക്കാര്ക്ക് വിതരണം ചെയ്തത്. നിര്ധനരായ ആദിവാസികള്ക്ക് തയ്യല് മെഷീന് വിതരണം ചെയ്തു കൊണ്ടാണ് മലയോര ഗ്രാമമായ കുട്ടമ്പുഴയിലും ഷെയര് ആന്ഡ് കെയറിന്റെ പ്രവര്ത്തനം വിപുലപ്പെടുത്തുന്നത്.
വെള്ളാരംകുത്ത്, കുഞ്ചിപ്പാറ, തലവച്ചുപാറ, പന്തപ്ര, മാമലക്കണ്ടം തുടങ്ങിയ ആദിവാസി കുടികളിലെ തെരഞ്ഞെടുക്കപ്പെട്ട ആദിവാസി പെണ്കുട്ടികള്ക്കാണ് തയ്യല് മെഷീന് കൊടുത്തത്. മെഷീന് ഗുണഭോക്താക്കള്ക്ക് സൗജന്യമായി തയ്യലില് പരിശീലനവും നല്കും. ആദിവാസി കുടികളില് തൊഴില് സംസ്കാരം വളര്ത്തിയെടുക്കുക എന്ന ലക്ഷ്യത്തോടെയാണ് പദ്ധതി നടപ്പാക്കി വരുന്നത്.
കുട്ടമ്പുഴ ജനമൈത്രി പൊലീസ്, കെയര് ആന്ഡ് ഷെയര് ഇന്റര് നാഷണല് എന്നിവയുടെ സഹകരണത്തോടെയാണ് പദ്ധതി നടപ്പാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha