ഞാനൊരാളെ പ്രണയിക്കുന്നു; വിവാഹം അടുത്ത വര്ഷം
താനൊരാളെ സ്നേഹിക്കുന്നുണ്ടെന്ന് പ്രിയാമണി. അടുത്ത വര്ഷമേ വിവാഹം ഉണ്ടാവുകയുള്ളൂ. അതിനാല് ഇപ്പോള് അതേപ്പറ്റി പറയുന്നില്ല. സിസിഎല്ലുമായി ബന്ധമുള്ള ആളാണെന്നു മാത്രം പറയാം. വിവാഹത്തെ കുറിച്ചും പ്രണയത്തെ കുറിച്ചും പ്രിയാമണി മനസു തുറക്കുന്നു.
റൊമാന്സ് ഈസ് എ ബ്യൂട്ടിഫുള് ഇമോഷന്. എന്നെ സംബന്ധിച്ച് പ്രണയം എന്നും സൗന്ദര്യമുള്ളൊരു വികാരമാണ്. പ്രണയം എന്നു പറഞ്ഞാലുടനത് ബോയ് ഫ്രണ്ട്ഗേള്ഫ്രണ്ട് റിലേഷന്ഷിപ്പാണെന്ന് കരുതരുത്. വളര്ത്തി വലുതാക്കിയ മാതാപിതാക്കളോട്, സഹോദരങ്ങളോട്, ആത്മാര്ത്ഥ സുഹൃത്തുക്കളോട്, എന്തിനധികം സ്നേഹിക്കുന്ന വളര്ത്തു മൃഗങ്ങളോട് വരെ പ്രണയം തോന്നാം.
ഓരോ പ്രണയത്തിനും അതിന്റേതായ പ്രാധാന്യമുണ്ട്. ജീവിതം സുന്ദരമാക്കാന് പ്രണയത്തിനു കഴിയും. അതനുഭവിച്ചറിയുക തന്നെ വേണം. ഒരു റിലേഷന്ഷിപ്പിലാണെങ്കില് ആ പ്രണയത്തിന് മാധുര്യം കൂടും. ഞാന് നല്ലൊരു റൊമാന്റിക് പേഴ്സണാണ്.
പണ്ടത്തെ അപേക്ഷിച്ച് ഇപ്പോഴത്തെ പ്രണയം കുറച്ചു കൂടി ഈസിയായി. പ്രണയിതാവ് എത്ര അകലെയാണെങ്കിലും അവരോട് സംവദിക്കുക എളുപ്പമായി. മെസേജോ, ചാറ്റോ ഒക്കെ ആകാമല്ലോ. ഡിജിറ്റല് യുഗത്തില് പ്രണയത്തിന്റെ ദോഷവശങ്ങളും കേള്ക്കാറുണ്ട്. അതുകൊണ്ട് പെണ്കുട്ടികള് പൊതുവേ കൂടുതല് ശ്രദ്ധിക്കണം.
എല്ലാവരും പറയുന്നതു പോലെ പ്രണയത്തിന് ആത്മാര്ത്ഥത കുറഞ്ഞെന്ന് ഞാന് വിശ്വസിക്കുന്നില്ല. ഇറ്റ് ക്യാന് ബി പ്യുവര്, ഇറ്റ് ഷുഡ് ബി പ്യുവര്. എന്റെ കാര്യത്തില് അതങ്ങനെ തന്നെയാണ്. എന്റെ പ്രണയത്തില് ഞാന് 100% പ്യൂരിറ്റി കൊടുക്കുന്നു.
എന്റെ പ്രണയിതാവ് ഉത്തരവാദിത്തമുള്ള, തന്റേടവും ധൈര്യവുമുള്ള, ഒന്നിച്ചു നില്ക്കാന് കഴിയുന്ന, മാനസിക സുരക്ഷിതത്വമുള്ള, സെന്സ് ഓഫ് ഹ്യുമറുള്ള ഒരാളാവണമെന്നുണ്ടായിരുന്നു.
എന്റെ ബെസ്റ്റ് ഫ്രണ്ടാകാനും എനിക്ക് കംഫര്ട്ട് നല്കുകയും ചെയ്യുന്ന ഒരാളാവണമെന്നും. അങ്ങനെയൊരാളെ ഞാന് പ്രണയിക്കുന്നുണ്ട്. സിസിഎല്ലുമായി ബന്ധമുള്ള ആളാണെന്നു മാത്രം ഇപ്പോള് പറയാം. ഇതെല്ലാം ഒത്തുവന്ന ഇതുപോലെയൊരാളെ ഞാനിതു വരെ പരിചയപ്പെട്ടിട്ടില്ല.
മാര്യേജ് ഈസ് സോ സ്പെഷ്യല്. പ്രണയിനിയെ പങ്കാളിയാക്കണമെന്നു തോന്നുന്ന വ്യക്തിക്കൊപ്പം ജീവിക്കണമെന്ന തോന്നിയാല് തീര്ച്ചയായും വിവാഹമെന്ന ഇന്സ്റ്റിറ്റിയൂഷനിലേക്ക് പോകാം. പരസ്പരം മനസ്സിലാക്കാതെയുള്ള ജീവിതമാണെങ്കില് അത് വിവാഹമോചനത്തില് കലാശിക്കുകയും ചെയ്യും.
അണ്ടര്സ്റ്റാന്റിംഗ്, ട്രസ്റ്റ്, ലോയലിറ്റി എന്നീ പ്ലാറ്റ്ഫോമുകളില് വച്ചാവണം വിവാഹബന്ധം തുടങ്ങാന്. സത്യത്തില് അതൊരു ഗീവ് ആന്ഡ് ടേക്ക് പോളിസിയാണ്. രണ്ടുപേരും രണ്ടു വ്യക്തികളാണെന്ന തിരിച്ചറിവില് വേണം ജീവിതം തുടങ്ങാന്.
പെണ്കുട്ടികള്ക്ക് ഒരു ഐഡന്റിറ്റി വേണമെന്നുള്ളത് സത്യം, പക്ഷേ അതൊരിക്കലും ഫ്രിക്ഷനാകുന്ന രീതിയിലാവരുത്. ഒരു കുടുംബജീവിതം വേണമെന്നുണ്ടെങ്കില് പരസ്പരം മനസ്സിലാക്കണം.
ഞാന് പ്രണയിക്കുന്ന, വിവാഹം കഴിക്കുന്ന ആളിന് എന്നെ നന്നായി മനസ്സിലാക്കാന് കഴിയണം. അഡ്ജസ്റ്റ്മെന്റ് ആന്ഡ് ട്രസ്റ്റ് വിവാഹജീവിതം നന്നാകാന് ഇതു രണ്ടും ആവശ്യമാണ്.
എന്നാണോ ഇതു രണ്ടും നഷ്ടപ്പെടുന്നത് അന്ന് ആ ബന്ധത്തിന്റെ ഇഴയടുപ്പം നഷ്ടമാകും.
എന്റെ വിവാഹത്തെക്കുറിച്ച് ഞാനും ചിന്തിക്കുന്നുണ്ട്. ഞാന് പ്രണയിക്കുന്ന, എന്നെ പ്രണയിക്കുന്ന വ്യക്തി തന്നെ ജീവിതപങ്കാളിയാവണമെന്നാണ് ആഗ്രഹം.
അച്ഛനും അമ്മയ്ക്കും എന്റെ പ്രയാണം നന്നായിട്ടറിയാം. അവരുടെ സമ്മതവും ഈ വിവാഹത്തിനുണ്ട്. അടുത്ത വര്ഷമേ ഉള്ളു എന്നതു കൊണ്ട് ഇപ്പോഴതിനെക്കുറിച്ച് ഒന്നും തുറന്നു പറയാനാവില്ല. എന്തായാലും എല്ലാവരെയൂം അറിയിച്ചു തന്നെയാകും എന്റെ വിവാഹം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
