മമ്മൂട്ടിക്ക് പിന്തുണയേറുന്നു... മോഹന്ലാലിനൊപ്പം അഭിനയിക്കില്ലെന്ന് പറഞ്ഞിട്ടില്ല; നിഷേധിച്ച് ഷാജി കൈലാസും
ഷാജി കൈലാസ് ചിത്രത്തില് മോഹന് ലാലിനൊപ്പം അഭിനയിക്കാനില്ലെന്ന് മമ്മൂട്ടി പറഞ്ഞിട്ടില്ലെന്ന് ചിത്രത്തിന്റെ തിരക്കഥാകൃത്ത് രഞ്ജി പണിക്കര്. മാധ്യമങ്ങളില് പ്രചരിക്കുന്ന ഇത്തരം വാര്ത്തകള് തെറ്റാണ്. വ്യക്തിപരമായ കാരണങ്ങള്ക്കൊണ്ട് ചിത്രത്തിന്റെ ഭാഗമാകാന് തനിക്ക് കഴിയില്ലെന്നു മാത്രമാണ് മമ്മൂട്ടി പറഞ്ഞിരുന്നതെന്നും രഞ്ജി പണിക്കര് പറയുന്നു.
ട്വന്റി20ക്ക് ശേഷം ഷാജി കൈലാസ് ചിത്രത്തില് താര രാജാക്കന്മാര് വീണ്ടും ഒന്നിക്കുന്നു എന്ന വാര്ത്ത മലയാള സിനിമാ ലോകം ആവേശത്തോടെയണ് സ്വീകരിച്ചത്. എന്നാല് ചിത്രത്തില് മോഹന്ലാലിനൊപ്പം അഭിനയിക്കാന് തയ്യാറല്ലെന്ന് മമ്മൂട്ടി വ്യക്തമാക്കിയതോടെ ചിത്രം പാതിവഴിയില് ഉപേക്ഷിക്കുകയായിരുന്നു എന്നായിരുന്നു മുമ്പ് പുറത്തുവന്ന വാര്ത്ത.
ചിത്രത്തിന്റെ സംവിധായകന് ഷാജി കൈലാസ് തന്നെയാണ് ഇത്തരത്തിലൊരു വിശദീകരണം നല്കിയതെന്ന രീതിയിലും വാര്ത്തകള് പുറത്തുവന്നിരുന്നു. മമ്മൂട്ടി പിന്മാറിയതോടെ ഇരു താരങ്ങളെയും ലക്ഷ്യമിട്ട് ഒരുക്കിയ കഥാപാത്രങ്ങളെ മറ്റു താരങ്ങളെ നിരത്തി ചിത്രം മുന്നോട്ട് കൊണ്ടുപോകേണ്ടെന്ന് ഷാജി കൈലാസ് തീരുമാനിച്ചെന്നും വാര്ത്തയുണ്ടായിരുന്നു.
അതേസമയം വിഷയത്തില് വിശദീകരണവുമായി ഷാജി കൈലാസും രംഗത്തെത്തിയിട്ടുണ്ട്. തങ്ങള് മുന്നോട്ടുവച്ച ചിത്രത്തില് പങ്കാളിയാകാന് കഴിയില്ലെന്ന് മാത്രമാണ് മമ്മൂട്ടി വ്യക്തമാക്കിയത്. മോഹന്ലാലിനൊപ്പം അഭിനയിക്കില്ലെന്ന് അദ്ദേഹം പറഞ്ഞിട്ടില്ല. ആശയ വിനിമയത്തിലുണ്ടായ ചെറിയ പാളിച്ചയാണ് ഇത്തരത്തില് വാര്ത്ത പ്രചരിക്കുന്നതിന് കാരണമായതെന്നും ഷാജി കൈലാസ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha