മാഗി ന്യൂഡില്സ് കേസ്, മലയാള താരങ്ങളും അങ്കലാപ്പില്, പരസ്യം പാരയാകുമോ?
മാഗി ന്യൂഡില്സ് കേസില് മാധുരിദീക്ഷിത്തും അമിതാഭ് ബച്ചനും അടക്കം കുടുങ്ങിയതോടെ മലയാളത്തിലെ പ്രമുഖ താരങ്ങളും അങ്കലാപ്പില്. കറിപൗഡറിന്റെ പരസ്യത്തിലഭിനയിക്കുന്ന മമ്മൂട്ടിയും പുട്ട്, അപ്പം പൊടിയുടെ പരസ്യത്തിലഭിനയിക്കുന്ന കാവ്യാമാധവനും അടക്കമാണ് ഫുഡ് സേഫ്റ്റി നിയമം തങ്ങള്ക്ക് പാരയാകുമോ എന്ന് ഭയക്കുന്നത്.
ഇത് സംബന്ധിച്ച നിയമ ഉപദേശങ്ങള് താരങ്ങള് തേടിയിട്ടുണ്ട്. മുമ്പ് വസ്ത്രസ്ഥാപനങ്ങളുടെയും ബാങ്കുകളുടെയും പരസ്യങ്ങളില് മാത്രമാണ് മമ്മൂട്ടി അഭിനയിച്ചിരുന്നത്. ഫുഡ് പ്രോഡക്ടിന്റെ പരസ്യത്തില് അഭിനയിക്കില്ലായിരുന്നു. എന്നാല് അടുത്തകാലത്താണ് മസാല പൊടിയുടെ പരസ്യത്തില് അഭിനയിച്ചത്.
മുമ്പ് മോഹന്ലാല് ഒരു നിക്ഷേപക കമ്പനി പരസ്യത്തില് അഭിനയിച്ചിരുന്നു. എന്നാല് കമ്പനി കബളിപ്പിച്ചെന്ന് ആരോപിച്ച് ഒരാള് കോടതിയെ സമീപിച്ചു. പരാതിയെ തുടര്ന്ന് ലാലിനെതിരെ കേസ് എടുത്തിരുന്നു. മുടികിളിക്കുമെന്ന് പറയുന്ന എണ്ണയുടെ പരസ്യത്തില് അനൂപ് മേനോന് അടക്കം അഭിനയിക്കുന്നുണ്ട്. ഈ എണ്ണ കമ്പനിക്കെതിരെ പല കോടതികളിലും കേസുകളുണ്ട്. എന്നാല് ചാനലുകള്ക്കും പത്രങ്ങള്ക്കും പരസ്യം നല്കുന്നതിനാല് വാര്ത്ത പുറത്ത് വരുന്നില്ലെന്ന് മാത്രം.
ഇത്ര വര്ഷത്തെ കോണ്ട്രാക്ടിലാണ് താരങ്ങള് പരസ്യങ്ങളില് അഭിനയിക്കുന്നത്. നല്ല പ്രതിഫലവും വാങ്ങും. മുമ്പ് മോഹന്ലാല് മദ്യത്തിന്റെയും ജൂവലറിയുടെയും പരസ്യങ്ങളില് അഭിനയിച്ചത് വിവാദമായിരുന്നു. അതിനും മുമ്പ് ശ്വേതാമേനോന് മൂഡ്സിന്റെ പരസ്യത്തില് അഭിനയിച്ചതും വിവാദമായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha