ഏഷ്യാനെറ്റ് സീരിയലായ കറുത്ത മുത്തിലെ നായിക ശരിക്കും കറുത്തിട്ടാണോ അതോ വെളുത്തിട്ടാണോ എന്നാണ് ജനത്തിനറിയേണ്ടത്. എന്ത് പറഞ്ഞാലും ആള്‍ക്കാര്‍ക്ക് അത് വിശ്വാസമാകില്ല. എന്നാല്‍ താല്‍ ഇപ്പോള്‍ കറുത്തതാണോ വെളുത്തതാണോ എന്ന് പറയാന്‍ പോകില്ലെന്ന് പ്രമി വിശ്വനാഥന്‍. ചോദിക്കുന്നവരോട് തക്ക മറുപടി തന്നിലുണ്ടെന്നും അത് ഉപദേശിച്ച് തന്നത് ജയസൂര്യയാണെന്നും പ്രേമി ഒരു പ്രമുഖ മാഗസിനനുവദിച്ച അഭിമുഖത്തില്‍ പറഞ്ഞു. ഇനിയാരെങ്കിലും ഇങ്ങനെ ചോദിച്ചാല്‍ കറുത്തതായാലും വെളുത്തതായാലും താന്‍ മുത്തുതന്നെയെന്നാണ് പ്രേമിയുടെ മറുപടി.
സിനിമാതാരവും അടുത്ത ബന്ധുവുമായ ജയസൂര്യയുടെ നിര്‍ദേശപ്രകാരമാണത്രെ നടി ഈ മറുപടി നല്‍കുന്നത്.
കറുത്തിട്ടാണോ വെളുത്തിട്ടാണോ.. ഇതൊക്കെ മേക്കപ്പാണോ.. ഇത്തരം ചോദ്യങ്ങളൊക്കെ കേട്ടു വലഞ്ഞാണ് ഒടുവില്‍ തന്റെ അടുത്ത ബന്ധു കൂടിയായ ചലച്ചിത്രതാരം ജയസൂര്യയോട് അഭിപ്രായം ആരാഞ്ഞത്. അച്ഛന്റെ സഹോദരിയുടെ മകനായ \'ജയണ്ണന്‍\' എന്ത് പ്രശ്‌നമുണ്ടെങ്കിലും വിളിക്കാവുന്ന ആളാണെന്നു പ്രേമി പറയുന്നു.
കുടുംബത്തിലെ ഏക സിനിമാതാരമായതു കൊണ്ട് ജയണ്ണനോട് സിനിമയെക്കുറിച്ച് സംസാരിക്കുമായിരുന്നു. പക്ഷെ സിനിമയില്‍ അഭിനയിക്കാന്‍ ആഗ്രഹമുണ്ടെന്ന് ഒന്നും പറഞ്ഞിട്ടില്ല. എത്ര വിഷമത്തോടെ വിളിച്ചാലും അവസാനം ചിരിച്ച് ചിരിച്ചായിരിക്കും നമ്മള്‍ ഫോണ്‍ വെക്കുന്നത്. സീരിയലില്‍ അഭിനയിക്കാന്‍ തിരുവനന്തപുരത്തേക്ക് പോകും മുമ്പും അണ്ണനെ വിളിച്ചിരുന്നു. ഒരു അവസരമുണ്ടെങ്കില്‍ പാഴാക്കരുതെന്നായിരുന്നു പറഞ്ഞത്. അങ്ങനെയാണ് ധൈര്യമായി തിരുവനന്തപുരത്തേക്ക് പോയതെന്നു പ്രേമി വനിതയോടു പറഞ്ഞു.
സീരിയല്‍ ജനങ്ങള്‍ സ്വീകരിച്ചതോടെയാണ് കറുത്തിട്ടാണോ വെളുത്തിട്ടാണോ എന്ന ചോദ്യവും ഉയര്‍ന്നുവന്നത്. ഇതിനുള്ള ഉത്തരവും ജയണ്ണന്‍ തന്നെയാണ് പറഞ്ഞു തന്നത്. \'കറുത്തതാണെങ്കിലും വെളുത്തതാണെങ്കിലും മുത്താണെ\'ന്ന് പറയാന്‍ ജയസൂര്യ ഉപദേശിച്ചെന്നും പ്രേമി അഭിമുഖത്തില്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha