അമിത വണ്ണത്തിന് അമേരിക്കയില്‍ ചികിത്സ തേടിപ്പോയ തെന്നിന്ത്യന്‍ നടി ആരതി അഗര്‍വാള്‍ (30) ശസ്ത്രകൃയയെ തുടര്‍ന്ന് മരിച്ചു.ശസ്ത്രക്രിയയില്‍ സംഭവിച്ച പിഴവിനെ തുടര്‍ന്ന് ന്യൂജേഴ്‌സിയില്‍ വച്ചാണ് താരം മരണമടഞ്ഞത്. ആസ്മ രോഗിയായിരുന്ന ആരതിക്ക് ശസ്ത്രക്രിയയ്ക്ക് ശേഷം ശ്വാസതടസം കൂടുകയും തുടര്‍ന്ന് ഹൃദയസ്തംഭനത്തെ തുടര്‍ന്ന് മരണം സംഭവിക്കുകയുമായിരുന്നു. ആരതിയുടെ അപ്രതീക്ഷിത വിയോഗം തെലുങ്ക് സിനിമാ ലോകത്തെ ഞെട്ടിച്ചിരിക്കുകയാണ്.
1985ല്‍ അമേരിക്കയിലെ ന്യൂജേഴ്‌സിയില്‍ ജനിച്ച ആരതി പതിനാലാമത്തെ വയസിലാണ് സിനിമയില്‍ എത്തിയത്. ആരതിയുടെ നൃത്തം ബോളിവുഡ് നടന്‍ സുനില്‍ ഷെട്ടി കാണാനിടയായതാണ് അവര്‍ക്ക് സിനിമയിലേക്ക് വഴി തുറന്നത്. അമേരിക്കയില്‍ ബാങ്ക് ഉദ്യോഗസ്ഥനായ ഉജ്ജ്വല്‍ കുമാറാണ് ആരതിയുടെ പിതാവ്.ആരതി നുവ്വു നകു നാച്ചവ് എന്ന ചിത്രത്തിലൂടെയാണ് സിനിമാലോകത്ത് എത്തിയത്. ചിരഞ്ജീവി, ബാലയ്യ, വെങ്കിടേഷ്, നാഗാര്‍ജുന, മഹേഷ് തുടങ്ങിയ മുന്‍നിര നായകന്മാര്‍ക്കൊപ്പം വേഷമിട്ടിട്ടുണ്ട്. തെലുങ്ക് നടന്‍ തരുണുമായുള്ള പ്രണയത്തിലൂടെയും വാര്‍ത്തകളില്‍ നിറഞ്ഞ താരമാണ് ആരതി. തരുണുമായുള്ള പ്രണയം തകര്‍ന്നതിനെ തുടര്‍ന്ന് ആരതി ആത്മഹത്യയ്ക്ക് ശ്രമിച്ചിരുന്നു. നടി അദിതി അഗര്‍വാള്‍ സഹോദരിയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha