തന്റെപേരില്‍ പ്രചരിക്കുന്ന നഗ്ന ചിത്രങ്ങള്‍ തന്റേതല്ലന്ന് നടി ദീപ്തി സതി.കേരളത്തിലേക്ക് ചിത്രീകരണത്തിനായി വരുമ്പോഴാണ് തന്റെ പേരില്‍ നഗ്‌ന ദൃശ്യങ്ങള്‍ പ്രചരിക്കുന്നതായി അറിഞ്ഞതെന്ന് ദീപ്തി പറഞ്ഞു. ഇപ്പോഴാണ് ദൃശ്യങ്ങള്‍ കാണാനായത്. പ്രചരിക്കുന്ന വീഡിയോയില്‍ കാണുന്ന വ്യക്തി താനല്ലെന്ന് തറപ്പിച്ച് പറയാന്‍ സാധിക്കുമെന്നും ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ ദീപ്തി പറഞ്ഞു.
നഗ്‌നദൃശ്യങ്ങള്‍ പ്രചരിപ്പിച്ച സംഭവത്തില്‍ നടി ദീപ്തി സതി നിയമനടപടിക്കൊരുങ്ങുകയാണ്. സൈബര്‍ സെല്ലില്‍ പരാതി നല്‍കാനാണ് ദീപ്തിയുടെ തീരുമാനം. മുംബൈയില്‍ നിന്ന് തന്റെ പേരില്‍ നഗ്‌നദൃശ്യങ്ങള്‍ പ്രചരിക്കുന്നുവെന്ന വാര്‍ത്ത അറിഞ്ഞതോടെ മാതാപിതാക്കള്‍ ആശങ്കയിലായിരുന്നു. ഇത്തരം അനുഭവങ്ങള്‍ തനിക്കും ആദ്യമാണ്. വിവാദ ദൃശ്യങ്ങളെക്കുറിച്ച് സംവിധായകന്‍ ലാല്‍ ജോസിനോട് പറഞ്ഞിരുന്നു. അപ്പോള്‍ അദ്ദേഹമാണ് സൈബര്‍ സെല്ലില്‍ പരാതി നല്‍കാന്‍ ഉപദേശിച്ചതെന്നും ദീപ്തി പറഞ്ഞു. വിഷയത്തില്‍ ഉചിതമായ നടപടി സ്വീകരിക്കുമെന്ന് സൈബര്‍ സെല്‍ അധികൃതര്‍ ഉറപ്പു നല്‍കിയിട്ടുണ്ട്. ഒരു ജോലിയും ഇല്ലാത്തവരാണ് ഇത്തരം പണികളില്‍ ഏര്‍പ്പെടുന്നതെന്നും ദീപ്തി സതി പറഞ്ഞു.
കഴിഞ്ഞ ദിവസമാണ് ദീപ്തി സതിയോട് മുഖസാദൃശ്യമുള്ള പെണ്‍കുട്ടിയുടെ നഗ്‌ന ദൃശ്യങ്ങള്‍ വാട്‌സ്ആപ്പ് മുഖേന പ്രചരിച്ചത്. നേരത്തെ റായ് ലക്ഷ്മി, ലക്ഷ്മി മേനോന്‍, രാധിക ആപ്‌തെ തുടങ്ങിയ നടിമാരുടെയും നഗ്‌ന ദൃശ്യങ്ങള്‍ വാട്‌സ് ആപ്പ് വഴി പ്രചരിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha