നടന്‍ ബാലയും ഗായിക അമൃത സുരേഷും വേര്‍പിരിയുന്നു. നടന്‍ ബാലതന്നെയാണ് അക്കാര്യം ഒരു സ്വകാര്യ അഭിമുഖത്തില്‍ പറഞ്ഞത്. ഞങ്ങള്‍ പരിയാന്‍ പോവുകയല്ല ഞങ്ങള്‍ പിരിഞ്ഞു കഴിഞ്ഞു എന്നുപറയുന്നതാകും ശരി. അതിന്റെ കാരണം ഇപ്പോള്‍ വെളിപ്പെടുത്താനാവില്ലന്നും ബാല പറഞ്ഞു.
ബാലയും അമൃത സുരേഷും വേര്‍പിരിയുന്നുവെന്ന് കഴിഞ്ഞ ദിവസങ്ങളിലായി ഓണ്‍ലൈന്‍ മാധ്യമങ്ങളില്‍ വാര്‍ത്തവന്നിരുന്നു. എന്നാല്‍ ഈ വാര്‍ത്ത തെറ്റാണെന്ന് ചൂണ്ടിക്കാട്ടി അമൃതയും രംഗത്തെത്തിയതോടെ വാര്‍ത്ത കെട്ടടങ്ങുകയും ചെയ്തിരുന്നു. എന്നാല്‍ ഇക്കാര്യത്തില്‍ ബാല മൗനം വെടിഞ്ഞ് വാര്‍ത്ത ശെരിയാണെന്ന് പറഞ്ഞ് രംഗത്തെത്തി.
ആരെയും ഇക്കാര്യത്തില്‍ കുറ്റപ്പെടുത്തുന്നില്ലെന്നും അതിന്റെ കാരണങ്ങളും പറയാനാകില്ലെന്നും ബാല പറഞ്ഞു. ഈ ലോകത്ത് മകളാണ് തനിക്കെല്ലാം. അവള്‍ക്കു വേണ്ടിയാകും ഇനിയുള്ള ജീവിതമെന്നും ബാല പറഞ്ഞു. ഈ മാസം അവസാനത്തോടെ വിവാഹമോചനടപടികളുമായി നീങ്ങുമെന്നും ബാല പറയുന്നു.
ബാലയുടെയും അമൃതയുടെയും പ്രണയവിവാഹമായിരുന്നു. 2010ല്‍ ആയിരുന്നു ഇരുവരുടെയും വിവാഹം. മൂന്ന് വയസ് പ്രായമുള്ള ഒരു മകളും ഇവര്‍ക്കുണ്ട്. അവന്തിക എന്നാണ് കുട്ടിയുടെ പേര്.
തമിഴിലെ ഡോക്യുമെന്ററി സംവിധായകനായ ജയകുമാറിന്റെയും ചെന്താമരയുടെയും മകനാണ് ബാല. ഇടപ്പള്ളി അമൃതവര്‍ഷിണിയില്‍ ട്രാവന്‍കൂര്‍ സിമന്റ് ഉദ്യോഗസ്ഥന്‍ പി.ആര്‍.സുരേഷിന്റെയും ലൈലയുടെയും മകളാണ് അമൃത.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha