യുവ നായകരില്‍ ഗ്യാരന്റിയുള്ള നടനാണ് നിവിന്‍ പോളി. പ്രേമം സൂപ്പര്‍ ഹിറ്റായതോടെ നിവിന്റെ മാര്‍ക്കറ്റ് വാല്യുവും ഉയര്‍ന്നു. യുവ ആരാധകരെല്ലാം ഇപ്പോള്‍ നിവിന്റെ പുറകിലാണ്. അതുകൊണ്ട് തന്നെ ഒരും പരാജയം സംഭവിക്കാതിരിക്കാന്‍ നിവിന്‍ നന്നേ ശ്രദ്ധിക്കുന്നുണ്ട്. തന്റെ താരമൂല്യത്തിന് കോട്ടം തട്ടാത്തവിധമുള്ള കഥാപാത്രങ്ങളേ നിവിന്‍ സ്വീകരിക്കുകയുള്ളൂ. അങ്ങനെയാണ് മഞ്ജു വാര്യരുമായുള്ള സിനിമ വേണ്ടെന്നു വച്ചത്. 
മഞ്ജു വാര്യരെയും നിവിന്‍ പോളിയെയും കേന്ദ്ര കഥാപാത്രങ്ങളാക്കി ലോകം അറിയപ്പെടുന്ന ക്യാമറാമേനായ സന്തോഷ് ശിവന്‍ സംവിധാനം ചെയ്യുന്ന ചിത്രത്തില്‍ നിന്നാണ് നിവിന്‍ പോളി ഒഴിവായത്. 
കണ്ണിനു സുഖമില്ല എന്ന കാരണം ചൂണ്ടിക്കാട്ടിയാണ് ഈ സിനിമയില്‍ നിന്നും നിവിന്‍ പിന്മാറിയത്. എന്നാല്‍ കാരണം അതെല്ലെന്നാണ് സിനിമാക്കാര്‍ പറയുന്നത്. മഞ്ജുവിനെ പോലുള്ള ഒരു താരത്തിനൊപ്പമുള്ള ചിത്രത്തില്‍ ശ്രദ്ധയുള്ള വേഷം കിട്ടിയില്ലെങ്കില്‍ പ്രേമത്തിലൂടെ നേടിയ ഹിറ്റെല്ലാം പോകും. 
മഞ്ജുവിന്റെ തിരിച്ചുവരവിന് കളമൊരുക്കിയ ഹൗ ഓള്‍ഡ് ആര്‍ യു എന്ന ചിത്രത്തിനോട് കിടപിടിക്കുന്ന സ്ത്രീ പക്ഷ സിനിമയാണ് സന്തോഷ് ശിവനും ഒരുക്കുന്നത്. ഇതിനാല്‍ തന്റെ കഥാപാത്രത്തിന് പ്രാധാന്യം നഷ്ടപ്പെടുമെന്ന ചിന്തയാണ് നിവിനെ ചിത്രം ഉപേക്ഷിക്കാന്‍ പ്രേരിപ്പിച്ചതെന്നാണ് സിനിമാക്കാര്‍ പറയുന്നത്. തുടര്‍ച്ചയായി ഹിറ്റു ചിത്രങ്ങളൊരുക്കി സിനിമയില്‍ ചുവടുറപ്പിച്ചശേഷം മഞ്ജുവിന്റെ പുതിയ ചിത്രത്തില്‍ സഹതാരമായി തള്ളപ്പെടുന്നത് നിവിന് താങ്ങാന്‍ പറ്റില്ല. ആ ഒരു കാരണമാണ് നിവിനെ നോ പറയാന്‍ പ്രേരിപ്പിച്ചത്. നിവിന്റെ ആരാധകരും അതാണിഷ്ടപ്പെടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha