വരുന്നു ഇക്കയോടൊപ്പം… അടുക്കളയില് നിന്നും അരങ്ങത്തേയ്ക്ക് നസ്രിയയുടെ വരവ് ഫഹദിനോടൊപ്പം
വിവാഹത്തോടെ അഭിനയത്തില് നിന്നും വിട്ടു നിന്ന നസ്രിയ വീണ്ടും അഭിനയ രംഗത്തെത്തുന്നു. ഭര്ത്താവ് ഫഹദ് ഫാസിലിന്റെ നായികയായാണ് നസ്രിയയുടെ തിരിച്ചുവരവ്. ഈ സൂപ്പര് ജോഡികളെ വീണ്ടും സിനിമയില് ഒന്നിപ്പിക്കുന്നത് സൂപ്പര് സംവിധായകന് അന്വര് റഷീദാണ്.
മമ്മൂട്ടിയെ കൊണ്ട് കോമഡി ചെയ്യിപ്പിച്ച് വിജയിപ്പിച്ച രാജമാണിക്യം, മോഹന്ലാലിന്റെ ഛോട്ടാ മുംബൈ തുടങ്ങിയ സൂപ്പര് ഹിറ്റ് ചിത്രങ്ങളുടെ സംവിധായകനാണ് അന്വര് റഷീദ്.
പ്രേമം, ബാഗ്ലൂര് ഡോയ്സ് തുടങ്ങിയ സൂപ്പര്ഹിറ്റ് ചിത്രങ്ങളുടെ നിര്മ്മാതാവ് കൂടിയാണ് അന്വര് റഷീദ്.
ഫഹദിനെ നായകനാക്കി മണിയറയിലെ ജിന്ന് എന്ന പ്രോജക്ടാണ് അന്വര് ആദ്യം പ്ലാന് ചെയ്തത്. രഘുനാഥ് പാലേരിയായിരുന്നു ആ ചിത്രത്തിന്റെ തിരക്കഥാകൃത്ത്. തിരക്കഥയില് പൂര്ണതൃപ്തി പോരാഞ്ഞാണ് ആ പ്രോജക്ട് ഉപേക്ഷിച്ചത്. ഇപ്പോള് ആഷിക് അബു നിര്മ്മിച്ച് ദിലീഷ് പോത്തന് സംവിധാനം ചെയ്യുന്ന ചിത്രത്തിലാണ് ഫഹദ് അഭിനയിക്കുന്നത്.
ഇക് ബാല് കുറ്റിപ്പുറത്തിന്റെ രചനയില് നവാഗതനായ ദിലീപ് കുമാര് സംവിധാനം ചെയ്യുന്ന ചിത്രം, സിദ്ദിഖ് രചനയും സംവിധാനവും നിര്വഹിക്കുന്ന ചിത്രം എന്നിവയിലാണ് ഫഹദ് ഇനി അഭിനയിക്കുന്നത്.
സിദ്ദിഖ് ചിത്രത്തിന് മുന്പ് അന്വര് റഷീദ് ചിത്രം തുടങ്ങാനും ആലോചനയുണ്ട്. ഫഹദിനൊപ്പം നില്ക്കുന്ന വേഷമാണ് ചിത്രത്തില് നസ്രിയക്കുള്ളത്.
നസ്രിയയ്ക്ക് സംസ്ഥാന അവാര്ഡ് ലഭിച്ചതോടെയാണ് വീണ്ടും അഭിനയിക്കാനുള്ള അവസരം ഒത്തു വന്നത്. അവാര്ഡ് വിവരം വന്നപ്പോള് തന്നെ നസ്രിയയും ഫഹദും ഇക്കാര്യം സൂചിപ്പിച്ചിരുന്നു. ഫഹദിന്റെ നായികയായി തന്നെ നസ്രിയ തിരിച്ചുവരുന്നത് ആരാധകര്ക്ക് വലിയ സന്തോഷമുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha