കനിക കപൂര്‍ മിസ് ഏഷ്യ
കൊച്ചിയില്‍ നടന്ന മിസ് ഏഷ്യ മത്സരത്തില്‍ ഇന്ത്യയെ പ്രതിനിധീകരിച്ച കനിക കപൂറിന് വിജയം. ഫിലിപ്പീന്‍സില്‍നിന്നുള്ള ആല്‍ഫേ മരിയ ഫസ്റ്റ് റണ്ണര്‍ അപ്പും ഉസ്ബക്കിസ്ഥാനില്‍നിന്നുള്ള ദ്ജയ്‌ലാ രണ്ടാം റണ്ണര്‍ അപ്പുമായി.
മിസ് ബെസ്റ്റ് ബ്യൂട്ടിഫുള്‍ സ്‌മൈല്‍ കിരീടവും ഇന്ത്യന്‍ സുന്ദരി സ്വന്തമാക്കി. മിസ് ബ്യൂട്ടിഫുള്‍ ഐയ്‌സ് ശ്രീലങ്ക, മിസ് സ്‌കിന്‍ ഉസ്ബക്കിസ്ഥാന്‍, മിസ് ക്യാറ്റ് വാക്ക് മലേഷ്യ, മിസ് ഫോട്ടോജെനിക് ഇറാന്‍, മിസ് ടാലന്റ് നേപ്പാള്‍, പെര്‍ഫെക്ട് ടെന്‍ ഭൂട്ടാന്‍, മിസ് ഹെയര്‍ യു.എ.ഇ, മിസ് പഴ്‌സണാലിറ്റി ചൈന എന്നിവരും വിവിധ മത്സരത്തില്‍ വിജയിച്ചു.
ഇന്നലെ വൈകിട്ട് ആറിന് എറണാകുളം ലേ മെറിഡിയന്‍ ഹോട്ടലില്‍ നടന്ന മല്‍സരത്തില്‍ 14 രാജ്യങ്ങളില്‍നിന്നുള്ള സുന്ദരിമാര്‍ അണിനിരന്നു. പെഗാസസ് ഇവന്റ് മേക്കേഴ്‌സ് സംഘടിപ്പിച്ച മത്സരത്തില്‍ ഫാഷന്‍, സിനിമ, മോഡലിങ് രംഗത്ത് ദേശീയരാജ്യാന്തര രംഗങ്ങളില്‍ മികവ് തെളിയിച്ച ലറിസ സെജിംഗോ, അംബിക, സുമുഡു പ്രസാദിനി, നതാഷ സുരി, സോഹന്‍ റോയ് എന്നിവരടങ്ങുന്നതായിരുന്നു ജഡ്ജിങ് പാനല്‍.
റെജി ഭാസ്‌കര്‍ (ഫാഷന്‍ ഫോട്ടോഗ്രാഫര്‍), എലിസബത്ത് ചാക്കോ (എം.ഡി., കല്‍പനാസ് ഇന്റര്‍നാഷണല്‍), റോയ് മണപ്പിള്ളില്‍, ദീപ കര്‍ത്ത, ഗായകരായ റെജു ജോസഫ്, ആശ അശോക് എന്നിവരടങ്ങുന്ന സമിതിയാണു സബ്‌ടൈറ്റില്‍ വിജയികളെ നിശ്ചയിച്ചത്.
നാഷണല്‍ കോസ്റ്റിയൂം, ബ്ലാക്ക് കോക്ക്‌ടെയില്‍, വൈറ്റ് ഗൗണ്‍ എന്നിങ്ങനെ മൂന്നു റൗണ്ടുകളിലായാണു മത്സരം നടന്നത്. അരുണ്‍ രത്‌ന (ഇന്റര്‍നാഷണല്‍ ഫാഷന്‍ കൊറിയോഗ്രാഫര്‍, വാലന്റീന രവി (മിസിസ് ഇന്ത്യ ഏഷ്യ ഇന്റര്‍നാഷണല്‍), സമീര്‍ഖാന്‍ (ഫാഷന്‍ കൊറിയോഗ്രാഫര്‍) എന്നിവര്‍ ഗ്രൂമിങ് സെഷനു നേതൃത്വം നല്‍കി.![\"\"](\"/userfiles/winners-miss-queen-india.jpg\")
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
