ഹൃതിക് റോഷനൊപ്പം ഒരു സായാഹ്നം… 15 വര്ഷം കഴിഞ്ഞിട്ടും വാഗ്ദാനം പാലിക്കാത്ത കമ്പനിക്കെതിരെ യുവതി ആവശ്യപ്പെട്ടത് രണ്ടര കോടി
കോള കുടിക്കൂ, സൂപ്പര്സ്റ്റാറിനൊപ്പം സായാഹ്നം ആസ്വദിക്കൂ... എന്ന പരസ്യ വാചകം കേട്ട് കോളയില് മയങ്ങിയ യുവതീ യുവാക്കള് അനേക ലക്ഷമാണ്. അവരെല്ലാവരും ഈ പരസ്യത്തേയും എന്തിന് കോളയേയും വരെ മറന്നു കഴിഞ്ഞു. എന്നാല് അതൊന്നും മറക്കാന് ആ യുവതി തയ്യാറല്ല.
15 വര്ഷം മുമ്പ് കൊക്കകോളയുടെ മത്സരത്തില് യുവതി പങ്കെടുത്തത്. ബോളിവുഡ് നടന് ഹൃതിക് റോഷനൊപ്പം റൊമാന്റിക് ഡിന്നറിനുള്ള അവസരം ലഭിച്ച യുവതിക്ക്, ഇതുവരെ താരത്തെ കാണാന് പോലും സാധിച്ചിട്ടില്ല. ചണ്ഡിഗഢിലെ പഞ്ചുലയില് നിന്നുള്ള യുവതിയുടെ പരാതിയെ തുടര്ന്ന് കോര്പ്പറേറ്റ് ഭീമന് കോടതി നോട്ടീസ് അയച്ചിരിക്കുകയാണ്. രണ്ടര കോടി രൂപയാണ് ശിഖ മോംഗ എന്ന 34കാരി നഷ്ടപരിഹാരമായി ആവശ്യപ്പെട്ടിരിക്കുന്നത്.
2000ത്തിലാണ് ഇങ്ങനെയൊരു വാഗ്ദാനവുമായി കമ്പനിയുടെ പരസ്യം പ്രചരിപ്പിച്ചിരുന്നത്. അന്ന് കൗമാരക്കാരിയായിരുന്ന ശിഖ, ഗവര്ണ്മെന്റ് ഗേള്സ് കോളജിലാണു പഠിച്ചിരുന്നത്. വീട്ടില് നിന്നുകിട്ടുന്ന പോക്കറ്റ്മണി ഉപയോഗിച്ചാണ് താന് കോള വാങ്ങിയിരുന്നതെന്നും അവര് പരാതിയില് പറയുന്നു. ശീതളപാനീയത്തിന്റെ അടപ്പില് നിന്നാണ് വിജയിയെ കണ്ടെത്തിയിരുന്നത്. മെയ് 22, 2000ത്തിലാണ് കമ്പനി വിജയിയെ പ്രഖ്യാപിച്ചത്.
തുടര്ന്ന് ചണ്ഡിഗഢിലെ കൊക്കകോള മാര്ക്കറ്റിംഗ് ഓഫീസുമായി ബന്ധപ്പെട്ടപ്പോള്, അഞ്ചു ലക്ഷം രൂപ നല്കാമെന്നാണ് അധികൃതര് അറിയിച്ചത്. എന്നാല് ശിഖയ്ക്കു വേണ്ടിയിരുന്നത് പ്രിയതാരത്തോടൊപ്പമുള്ള നിമിഷങ്ങളായിരുന്നു. വാഗ്ദാനം നടപ്പിലാകാതെ വന്നതോടെ ഇവര് ജില്ലാ കോടതിയില് പരാതി സമര്പ്പിക്കുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha