ദൃശ്യത്തിന് ശേഷം ഉണ്ടായ തുടര്‍ച്ചായയ പരാജയങ്ങള്‍ കളം മാറ്റാന്‍ മോഹന്‍ലാലിനെ പ്രേരിപ്പിക്കുന്നു. പല ചിത്രങ്ങളും സാറ്റലൈറ്റ് അവകാശം കൊണ്ടും ഓവര്‍സീസ് കൊണ്ടും സാമ്പത്തിക വിജയമാകുന്നുണ്ടെങ്കിലും തിയറ്ററുകളില്‍ പ്രദര്‍ശന വിജയം നേടാത്തതാണ് താരത്തെ മാറ്റി ചിന്തിപിച്ചത്. തിരക്കഥ മുഴുവന്‍ വായിച്ചിട്ട് അഭിനയിച്ചാല്‍ മതിയെന്ന തീരുമാനത്തിലാണ് താരം. ഇടയ്ക്ക് പല പ്രോജക്ടുകളും താമസം വന്നത് കൊണ്ടാണ് പത്മകുമാറിന്റെ കനലില്‍ അഭിനയിച്ചത്. പത്മകുമാറിനെ പോലെ, തുടര്‍ച്ചയായി പരാജയങ്ങള്‍ ഉണ്ടായ സംവിധായകന്റെ ചിത്രത്തില്‍ അഭിനയിക്കാന്‍ താരത്തിന് വലിയ താല്‍പര്യം ഇല്ലായിരുന്നു.

ദൃശ്യത്തിന് ശേഷം ഗസ്റ്റായി അഭിനയിച്ച കൂതറ വലിയ പരാജയമായിരുന്നു. പിന്നീട് മിസ്റ്റര്‍ ഫ്രോഡ്, അതും പ്രദര്‍ശനവിജയം നേടിയില്ല. പെരുച്ചാഴി സാമ്പത്തിക വിജയമായിരുന്നു. പക്ഷെ, വലിയ ഓളം സൃഷ്ടിച്ചില്ല. രസം, എന്നും എപ്പോഴും, ലൈല ഓ ലൈല എന്നിവ വലിയ പരാജയമായിരുന്നു. ലൈലാ ഓ ലൈല ഒന്‍പത് കോടിയോളം രൂപ നഷ്ടം വരുത്തി. രസത്തില്‍ അഥിതി വേഷമായിരുന്നെങ്കിലും മോഹന്‍ലാലിന്റെ ലേബലിലാണ് ചിത്രം തിയറ്ററിലെത്തിയത്. സ്വന്തം പ്രൊഡക്ഷനിലെ ചിത്രങ്ങള്‍ പരാജയപ്പെടുന്നതിലും താരത്തിന് ആശങ്കയുണ്ട്.

മൂന്ന് കോടിയാണ് ലാല്‍ പ്രതിഫലം വാങ്ങുന്നത്. അതിന് അനുസരിച്ച് സാമ്പത്തിക വിജയം ഉണ്ടാകുന്നുമില്ല. മൂന്ന് കോടി മുടക്കിയ പ്രേമം 50 കോടിയോളം കലക്ട് ചെയ്തു. ഇതൊക്കെ ഇന്‍ഡസ്ട്രിയില്‍ വലിയ ചര്‍ച്ചയായിട്ടുണ്ട്. നല്ല തിരക്കഥയുണ്ടെങ്കില്‍ തന്റെ ചിത്രങ്ങള്‍ പ്രേക്ഷകര്‍ സ്വീകരിക്കുമെന്ന് താരത്തിന് ആത്മവിശ്വാസമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha