തൊലി വെളുപ്പിന്റെ അടിസ്ഥാനത്തിലല്ല ഒരാള്‍ വിലയിരുത്തപ്പെടേണ്ടതെന്ന് സിനിമാ താരം നന്ദിത ദാസ്. നിറത്തിന്റെ പേരില്‍ താന്‍ നേരിട്ടനുഭവിച്ച മാനസിക നൊമ്പരങ്ങള്‍ വെളിപ്പെടുത്തുകയായിരുന്നു നന്ദിതാ ദാസ്. ഇന്ത്യയില്‍ നിലവിലുള്ള സൗന്ദര്യ സങ്കല്‍പ്പങ്ങള്‍ക്ക് അനുസരിച്ച് ജീവിക്കുക എന്നത് അത്ര എളുപ്പമായ കാര്യമല്ല എന്നും ചെന്നൈയില്‍ ബ്രേക്കിങ് ബ്യൂട്ടി സ്റ്റീരിയോടൈപ്‌സ് എന്ന വിഷയത്തില്‍ നടന്ന സംവാദത്തില്‍ നന്ദിത പറഞ്ഞു.
ഒരിക്കല്‍ തനിക്കുണ്ടായ അനുഭവം സഹിതമാണ് വിഷയത്തില്‍ നന്ദിത പ്രതികരണമറിയിച്ചത്. ഒരു ചിത്രത്തില്‍ മധ്യവര്‍ഗ്ഗ വിദ്യാസമ്പന്നയായ യുവതിയുടെ വേഷം ചെയ്തിരുന്ന തന്നോട് താങ്കളുടെ തൊലി കുറച്ചുകൂടി വെളുപ്പിക്കാമോയെന്ന് സംവിധായകന്‍ ചോദിച്ചു. കറുത്ത തൊലി നിറം ഗ്രാമീണ് സ്ത്രീകളുടെ അടിസ്ഥാന വ്യക്തിത്വമാണെന്ന സ്ഥിരം സങ്കല്‍പ്പം നിലനില്‍ക്കുന്നതിനാലാണ് ഇത്തരം ചോദ്യങ്ങള്‍ ഉയരുന്നതെന്നും താരം കുറ്റപ്പെടുത്തി. ഫോട്ടോഷോപ്പില്‍ തൊലിയുടെ നിറം വെളുപ്പിക്കുന്ന സമ്പ്രദായം ഇത്തരത്തിലുള്ള ഒരു സമൂഹത്തിന്റെ സൗന്ദര്യ സങ്കല്‍പ്പങ്ങളുടെ ഭാഗമാണെന്നും നന്ദിത കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha