ആസിഫ് അലിയുടെ അച്ഛനായി ബിജുമേനോന്‍ എത്തുന്നു. പകിടയ്ക്കും വെള്ളിമൂങ്ങയ്ക്കും ശേഷം ആസിഫ് അലിയും ബിജു മേനോനും വീണ്ടും ഒന്നിക്കുന്ന ചിത്രമാണിത്. പൃഥ്വിരാജിന്റെ നേതൃത്വത്തിലുള്ള ഓഗസ്റ്റ് സിനിമാസാണ് ചിത്രം നിര്‍മ്മിക്കുന്നത്. ചിത്രത്തിന്റെ പേര് വെളിപ്പെടുത്തിയിട്ടില്ല. ഒക്ടോബറില്‍ ഷൂട്ടിങ് ആരംഭിക്കും. ചിത്രത്തിന്റെ തിരക്കഥ ഒരുക്കിയിരിക്കുന്നത് നവീന്‍ ഭാസ്‌കറാണ്. പ്രണയവും അതിനെ ചുറ്റിപ്പറ്റിയുള്ള രസകരമായ കഥയുമായിരിക്കും ഈ ചിത്രം പറയുക. 

ഷൈജു ഖാലിദിന്റെ സഹോദരന്‍ റഹ്മാന്‍ സംവിധാനം ചെയ്യുന്ന ചിത്രത്തില്‍ ആസിഫ് അലിയുടെ അച്ഛന്റെ വേഷമാണ് ബിജുമേനോന്‍ കൈകാര്യം ചെയ്യുക. മമ്മൂട്ടി നായകനായ കടല്‍ കടന്ന് ഒരു മാത്തുക്കുട്ടിയാണ് പൃഥ്വിരാജിന്റെ നേതൃത്വത്തിലുള്ള ഓഗസ്റ്റ് സിനിമ ഒരുക്കിയ ചിത്രമാണ്. പുതിയ ചിത്രത്തിലെ നായികയേയും മറ്റ് താരങ്ങളെയും പറ്റിയുള്ള വിവരം പുറത്തുവിട്ടിട്ടില്ല. ദക്ഷിണേന്ത്യയിലെ പ്രമുഖ താരമായിരിക്കും ചിത്രത്തിലെ നായികയെന്നും സൂചനയുണ്ട്. ഒരുപിടി നല്ല ചിത്രങ്ങളില്‍ ആസിഫും ബിജുവും ഒന്നിച്ചഭിനയിച്ചിട്ടുണ്ട്. ഓര്‍ഡിനറി, പകിട, വെള്ളിമൂങ്ങ, ഹായ് അയാം ടോണി എന്നീ ചിത്രത്തിനുശേഷമാണ് വീണ്ടും ഇരുവരും ഒന്നിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha