കുട്ടിക്കാലത്ത് താന്‍ അന്തേവാസിയായിരുന്ന അനാഥമന്ദിരത്തില്‍ ഭാഗ്യലക്ഷ്മി എത്തി. കോഴിക്കോട്  വെളളിമാടി കുന്നിലെ അനാഥ മന്ദിരത്തിലാണ് ഡബ്ബിംഗ് ആര്‍ട്ടിസ്റ്റായ ഭാഗ്യലക്ഷ്മി എത്തിയത്. കുട്ടിക്കാലത്ത് താനും അവിടുത്തെ ഒരു അന്തേവാസിയായിരുന്നു,നാല് വര്‍ഷം. ഈ യാത്ര ഒരു ഓര്‍മ പുതുക്കലായിരുന്നു... പണ്ടത്തെ കാലത്തെ അവസ്ഥയല്ല ഇന്നവിടെ... ഇന്നവിടുത്തെ കുട്ടികള്‍ക്ക് ഭക്ഷണത്തിനോ വസ്ത്രത്തിനോ യാതൊരു ദാരിദ്ര്യവുമില്ല.... പാട്ടുപാടിയും,കഥ പറഞ്ഞും, അവര്‍ ജീവിക്കുന്നു.

അത്തപ്പൂവിട്ടും, ഭക്ഷണം കഴിച്ചും, എന്റെ കുട്ടിക്കാലത്തെ ഓര്‍മ്മകള്‍ പങ്കുവെച്ചുമൊക്കെ ഒരു ദിവസം മുഴുവന്‍ഭാഗ്യലക്ഷ്മി അവരോടൊപ്പമുണ്ടായിരുന്നു..താനനുഭവിച്ച അനാഥത്വമോ അരക്ഷിതാവസ്ഥയോ ഒന്നുമില്ല അവരുടെ മുഖത്തും വാക്കുകളിലും... ഭാവിയെക്കുറിച്ച് പ്രതീക്ഷകളും വ്യക്തമായ കാഴ്ചപ്പാടുമുണ്ട്. കാലത്തിന്റെ മാറ്റമാണോ? ആര്‍ക്കറിയാം നാളത്തെ ഒരു ഓഫീസറോ, രാഷ്ട്രീയ നേതാവോ, കലാകാരിയോ ഒക്കെയാവാം അവരില്‍ പലരും... ഇറങ്ങുമ്പോള്‍ മനസ്സ് നിറയെ സന്തോഷമായിരുന്നു.

നാലം വയസിലാണ് അമ്മ ഭാഗ്യലക്ഷ്മിയെ ഇവിടെ കൊണ്ടാക്കിയത്. ഒരുപാട് രാത്രികളില്‍ താന്‍ അവിടെ ഉറങ്ങാതിരുന്ന് കരഞ്ഞിട്ടുണ്ടെന്ന് ഭാഗ്യലക്ഷ്മി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha