മലയാളികളെക്കാള്‍ നന്നായി മലയാളം പാടുന്ന ബോളിവുഡ് ഗായിക ശ്രേയാ ഘോഷാലിന് മലയാളത്തില്‍ തുടര്‍ച്ചയായി അവസരം നല്‍കുന്നതിനെതിരെ ഗായിക കെ.എസ് ചിത്ര. ഇവിടെയുള്ള ഗായകര്‍ക്കും അവസരം നല്‍കണമെന്ന് ചിത്ര ആവശ്യപ്പെട്ടു.
പാട്ടു നന്നായാല്‍ മലയാളികള്‍ ആരെയും അംഗീകരിക്കും. എന്നാല്‍ മറ്റിടങ്ങളില്‍ അങ്ങനെയല്ലെന്ന് ചിത്ര പറഞ്ഞു. ശ്രേയാ ഘോഷാല്‍ മികച്ച പാട്ടുകാരിയാണെന്ന കാര്യം സംശയമില്ല. എന്നാല്‍ അതിനൊപ്പം നമ്മുടെ കുട്ടികള്‍ക്ക് കൂടി അവസരം നല്‍കണമെന്നും ചിത്ര ആവശ്യപ്പെട്ടു. ശ്രേയാ ഘോഷലിന് മലയാളത്തില്‍ തുര്‍ച്ചയായി അവസരം നല്‍കുന്നതിനെ വിമര്‍ശിച്ച് നേരത്തെ മറ്റ് ചില ഗായകരും രംഗത്തുവന്നിരുന്നു.
റിയാലിറ്റി ഷോകള്‍ കുട്ടികള്‍ക്ക് നല്ലൊരു പരിശീലന കളരിയാണ്. പിന്നണിയില്‍ പാടുക എന്നത് കരിയര്‍ ആക്കിയെടുക്കുന്നതിനെക്കുറിച്ച് തനിക്ക് അഭിപ്രായമില്ല. കാരണം നിരവധി ഗായകള്‍ ഇപ്പോള്‍ തന്നെ രംഗത്തുണ്ട്. സര്‍ക്കാരിന്റെ ഓണാഘോഷത്തിന് പാട്ടുപാടാന്‍ തലസ്ഥാനത്ത് എത്തിയതായിരുന്നു ചിത്ര. കുറച്ചു വര്‍ഷമായി ഓണം ആഘോഷിക്കാറില്ല. ഓര്‍മ്മകളിലെ ഓണത്തിന് കുട്ടിക്കാലത്തിന്റെ മണമാണെന്നും ചിത്ര കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha