നീനയാകാന്‍ താന്‍ പതിനൊന്ന് തവണ മുടി വെട്ടിയെന്ന് ദീപ്തി സതി. നായികയായി സെലക്ട് ചെയ്തപ്പോഴേ സംവിധായകന്‍ ആവശ്യപ്പെട്ടത് മുടി മുറിക്കണമെന്നാണ് 49 ദിവസത്തെ ഷൂട്ടിംഗിനിടെ 11 തവണ മുടി മുറിച്ചു. ഭംഗിയുള്ള മുടി കഴുത്തു വരെ മുറിച്ചിട്ടപ്പോള്‍ സങ്കടം തോന്നി. എന്റെ മുടി പെട്ടെന്ന് വളരും അമ്മ പറഞ്ഞപ്പോഴാണ് ആശ്വാസമായത്. നീളമുള്ള മുടി തന്നെയാണ് എനിക്കിഷ്ടം. 2012ലെ മിസ് കേരളായിരുന്നു ദീപ്തി. അതാണ് ജീവിതത്തിലെ വഴിത്തിരിവ്.

ദീപ്തിയുടെ അമ്മ മാധുരി സതി കൊച്ചി പച്ചാളം സ്വദേശിയാണ്. മലയാളം കേട്ടാല്‍ താരത്തിന് മനസിലാകും. പക്ഷെ, പറയാന്‍ അറിയില്ല. ഇപ്പോള്‍ സംസാരിക്കാന്‍ ശ്രമിക്കുന്നുണ്ട്. കുട്ടിക്കാലത്ത് കൊച്ചിയില്‍ വന്ന് താമസിക്കുമായിരുന്നു. മലയാളികള്‍ മറുനാടന്‍ താരങ്ങളെ പ്രോല്‍സാഹിപ്പിക്കും. അതുകൊണ്ട് സിനിമയില്‍ തന്നെ തുടരാനാണ് തീരുമാനം. രണ്ട് സംവിധായകര്‍ സമീപിച്ചിട്ടുണ്ട്. പക്ഷെ, ഒന്നും ഫൈനലായിട്ടില്ല. നീനയിലെ പോലെ വ്യത്യസ്തമായ സിനിമകള്‍ ചെയ്യാനാണ് ഇഷ്ടം. 

തന്നെ ഡോക്ടറോ എന്‍ഞ്ചിനിയറോ ആക്കാനായിരുന്നു മാതാപിതാക്കള്‍ക്ക് താല്‍പര്യമെന്ന് ദീപ്തി ഓര്‍മിച്ചു. പക്ഷെ, താരത്തിന് ഇഷ്ടം ബിസിനസ് സ്റ്റഡീസായിരുന്നു. ബി.ബി.എ കഴിഞ്ഞു. എം.ബി.എ ചെയ്യണമെന്നുണ്ട്. സിനിമയും മോഡലിംഗും ഉണ്ടെന്ന് കരുതി പഠനം ഉപേക്ഷിക്കാന്‍ തയ്യാറല്ല. എന്തെങ്കിലും നല്ല ജോലി വേണം. അച്ഛന്‍ ചാര്‍ട്ടേഡ് അക്കൗണ്ടന്റ് ആണ്. അമ്മ ബാങ്കില്‍ ജോലി ചെയ്യുന്നു. അതൊക്കെയാണ് തനിക്ക് ജോലി വേണമെന്ന് ചിന്തിപ്പിക്കുന്നതെന്ന് താരം വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha