ഈ പിള്ളാര്‍ക്കെന്താ തന്തയും തള്ളയുമില്ലെ എന്ന ചോദ്യവുമായി പ്രശസ്ത നടി സീനത്ത്. ന്യൂ ജനറേഷന്‍ സിനിമകളില്‍ അച്ഛനും അമ്മയും എന്ന കഥാപാത്രങ്ങള്‍ ഇല്ലാത്തനെ ചോദ്യം ചെയ്യുകയാണ് സീനത്ത്. ന്യൂ ജനറേഷന്‍ ചിത്രങ്ങളില്‍ അച്ഛനമ്മമാര്‍ ഫോട്ടോകളിലോ ഒന്നോ രണ്ടോ പ്രസ്താവനകളിലോ കൂടിപ്പോയാല്‍ ശബ്ദത്തിലോ ഒതുങ്ങുന്നു എന്നതാണ് അവസ്ഥ. അച്ഛന്‍ നടന്മാര്‍ മറ്റു പല വേഷങ്ങളിലായി സിനിമയില്‍ തന്നെ സജീവമായി നില്‍ക്കാമെന്ന് കരുതിയാലും അമ്മ നടിമാരുടെ കാര്യമാണ് ഏറെ ബുദ്ധിമുട്ടിലാകുന്നത്.
അമ്മമാര്‍ സിനിമയില്‍ ഇല്ലാതായിക്കൊണ്ടിരിക്കുന്നത് ഭാവിയില്‍ വലിയ ദുരന്തത്തിന് ഇടവരുത്തും. നടനായാലും നടിയായാലും ഈ അവസ്ഥയ്‌ക്കെതിരെ പ്രതികരിച്ചില്ലെങ്കില്‍ വലിയ ദുരന്തത്തെ അഭിമുഖീകരിക്കേണ്ടിവരുമെന്ന് സീനത്ത് പറഞ്ഞു.
ഇങ്ങനെ പോയാല്‍ മലയാള സിനിമയില്‍ നായികാ നായകന്മാര്‍ മാത്രം മതിയായിരിക്കുമോ എന്നും സീനത്ത് ചോദിക്കുന്നു. ഞങ്ങളെ പോലുള്ള അമ്മവേഷങ്ങളും ക്യാരക്ടര്‍ വേഷങ്ങളും ചെയ്യുന്ന നടിമാരുടെ ഭാവിയെന്തായിരിക്കും. സംഘടനയുടെ പൂര്‍ണ പിന്തുണയോടെ ഇതിനെതിരെ ശക്തമായി പ്രതികരിക്കണം. തൊഴിലില്ലാതെ ഇരിക്കുന്ന നിരവധി നടീനടന്മാര്‍ ഇപ്പോഴുണ്ട്.
തനിക്ക് ജന്മം തന്നവരാണെന്ന സത്യം പോലും മതിമറന്നാണണ് പലരും അച്ഛനമ്മമാരോട് പെരുമാറുന്നത്. സമൂഹത്തെ മൊത്തമായി ബാധിച്ചിരിക്കുന്ന ഒരു പ്രശ്‌നം എന്ന നിലയില്‍ കൂടി സിനിമയിലെ മുതിര്‍ന്ന താരങ്ങളുടെ പ്രതിസന്ധിയെയും കാണണം. ഇന്നത്തെ മിക്ക സിനിമകളിലും അച്ഛനമ്മമാരും ക്യാരക്ടര്‍ കഥാപാത്രങ്ങളും ഇല്ലാതായിട്ടുണ്ടെന്നും സീനത്ത് പറഞ്ഞു.
വ്യക്തിപരമായ അനുഭവം പറഞ്ഞാല്‍ അടുത്ത കാലത്ത് അപൂര്‍വ്വമായി മാത്രമേ സിനിമ തന്നെ ചെയ്യാന്‍ പറ്റിയിട്ടുള്ളൂ. അലീഫ് ആണ് നല്ലൊരു കഥാപാത്രത്തെ അവതരിപ്പിക്കാന്‍ അവസരം തന്ന സിനിമ. കൂടാതെ കാന്താരിയും. ഇതല്ലാതെ മറ്റൊരുവേഷവും തനിക്ക് ലഭിച്ചിട്ടില്ല. ഭാവിയെ കുറിച്ചോര്‍ത്താല്‍ മികച്ച നിരവധി നടിമാര്‍ക്ക് ഭീതിയുണ്ടാക്കുന്ന സാഹചര്യമാണ് ഇപ്പോള്‍ ഉള്ളത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha