തനിക്ക് രോഗമാണെന്ന വാര്ത്ത നിഷേധിച്ച് അഞ്ജലി
തനിക്ക് തൈറോടിന്റെ അസുഖമാണെന്ന വാര്ത്തകള് നടി അഞ്ജലി നിഷേധിച്ചു. ഇത്തരം വാര്ത്തകളില് ഒരു സത്യവുമില്ലെന്നും എന്തു തോന്ന്യാസവും എഴുതി പിടിപ്പിയ്ക്കുന്ന മാധ്യമങ്ങളുടെ അവസ്ഥയില് വേദനയുണ്ടെന്ന് അഞ്ജലി പറയുന്നു. ഒരു വിദേശിയുമായി പ്രണയത്തിലാണെന്നാണ് ആദ്യം വാര്ത്തകള് വന്നത്. സിനിമാ ഷൂട്ടിങിന് അമേരിക്കയിലെത്തിയപ്പോള് അവിടെ വച്ച് അമേരിക്കന് സ്വദേശി അഞ്ജലിയോട് പ്രണയാഭ്യര്ത്ഥന നടത്തുകയും ഇരുവരും പ്രണയത്തിലായെന്നുമായിരുന്നു വാര്ത്ത.
പിന്നെ കേട്ടത് അഞ്ജലി അയാളെ രഹസ്യമായി വിവാഹം ചെയ്തെന്നാണ്. നടി ഇടയ്ക്കിടെ അമേരിക്കയില് പോയതോടെയാണ് ചില പ്രമുഖ തമിഴ് മാധ്യമങ്ങളില് വാര്ത്ത വന്നത്. മുമ്പ് തമിഴിലെ ഒരു പ്രമുഖ സംവിധായകനുമായി പ്രണത്തിലാണെന്നും തന്നെ ആരോ തട്ടിക്കൊണ്ട് പോയെന്നും വാര്ത്തകള് വന്നിരുന്നു. അന്നൊന്നും ഇതേക്കുറിച്ച് പ്രതികരിച്ചിരുന്നില്ല. തന്റെ ചിറ്റമ്മയും താനും തമ്മില് നിരന്തരം പ്രശ്നമാണെന്ന് ആരോപിച്ച് ഒരു മാസിക വാര്ത്ത നല്കിയിരുന്നു. അതിനെതിരെ താരം കേസ് നല്കിയതോടെ മാസിക നിരുപാധികം മാപ്പ് പറഞ്ഞു.
അതേസമയം തിരക്കേറിയതോടെ അഞ്ജലി സെറ്റില് സമയത്ത് വരാറില്ലെന്നും മാന്യമായി പെരുമാറാറില്ലെന്നും ആക്ഷേപമുണ്ട്. ഇടയ്ക്ക് ചില കുടുംബ പ്രശ്നങ്ങളും ഉണ്ടായി. തന്റെ പ്രതിഫലം മുഴുവന് ചിറ്റമ്മ കൊണ്ടു പൊകുന്നതിനെതിരെ അഞ്ജലി തിരിഞ്ഞതോടെയാണ് പ്രശ്നം തുടങ്ങിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha