ബലി എന്ന സിനിമയുടെ ചിത്രീകരണം ചാലക്കുടിയില്‍ നടന്ന സമയത്ത് മണിയുണ്ടായിരുന്നു, കാഴ്ചക്കാരനായി. ബലിയിടുന്ന രംഗം ചിത്രീകരിച്ചപ്പോള്‍ കാഴ്ചക്കാരായി നിന്നവരെയും വിളിച്ചു. അങ്ങനെ മണിയും ഒപ്പം കൂടി. കര്‍മം ചെയ്യുന്ന ആള്‍ ഓരോരുത്തരോടും ചോദിക്കും ആര്‍ക്കാണ് ബലി. ചോദ്യം മണിയോടായപ്പോള്‍ പറഞ്ഞു, അമ്മയ്ക്ക്. ആദ്യ ടേക്കില്‍ ഷോട്ട് ഒ.കെ. പക്ഷെ, അത് കഴിഞ്ഞായിരുന്നു പുകില്‍. മണിയുടെ അമ്മയും സഹോദരങ്ങളും ഷൂട്ടിംഗ് കാണാനുണ്ടായിരുന്നു.

ഞാന്‍ ജീവിച്ചിരിക്കുമ്പോള്‍ നീയെനിക്ക് ബലിയിട്ടല്ലേടാ. അമ്മ മനസ് നൊന്ത് പറയുന്നതാണെന്ന് മനസിലായി. കാരണം ഷൂട്ടിംഗിനെ കുറിച്ചോ, സിനിമയെ കുറിച്ചോ അമ്മയ്ക്ക് യാതൊരു ധാരണയും ഉണ്ടായിരുന്നില്ല. പിന്നീട് അമ്മയെ കാര്യങ്ങള്‍ പറഞ്ഞ് ബോധ്യപ്പെടുത്താന്‍ മണി ഏറെ പാട് പെട്ടെന്ന് അടുത്ത സുഹൃത്തുക്കള്‍ പറഞ്ഞു. പണ്ടൊക്കെ ചാലക്കുടിയിലും പരിസരത്തും ഏത് സിനിമയുടെ ഷൂട്ടിംഗ് നടന്നാലും മണി ഉണ്ടാകുമായിരുന്നു. കാലം മാറി കഥ മാറി എന്ന സിനിമയുടെ ഷൂട്ടിംഗിനായി മമ്മൂട്ടി ചാലക്കുടിയില്‍ എത്തിയപ്പോഴാണ് അദ്ദേഹത്തെ ആദ്യമായി കണ്ടത്. 

പിന്നീട് മണി നടനായി, സല്ലാപത്തില്‍ അഭിനയിച്ചു. സിനിമ കാണാന്‍ അച്ഛന്‍ തിയേറ്ററില്‍ പോയി. മനോജ് കെ.ജയന്‍ മണിയെ അടിക്കുന്ന രംഗം കണ്ട് അച്ഛന്‍ ബഹളം വെച്ചു. ടാ ഞാന്‍ അവനെ കഷ്ടപ്പെട്ടാ വളര്‍ത്തിയത്, അല്ലാതെ നിനക്കൊക്കെ തല്ലാന്‍ വേണ്ടിയല്ല. സിനിമയിലെ അടിയാണതെന്ന് അച്ഛനെ പറഞ്ഞ് മനസിലാക്കാന്‍ മണി ഏറെ പ്രയാസപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha