നടനും ബിജെപി നേതാവുമായ കൃഷ്ണകുമാറിന്റെ ഇളയ മകളും സോഷ്യല്‍ മീഡിയ ഇന്‍ഫ്‌ളുവന്‍സറുമാണ് ഹന്‍സിക കൃഷ്ണയുടെ ഒരു വീഡിയോ സോഷ്യല്‍ മീഡിയയില്‍ പ്രചരിച്ചിരുന്നു. വീഡിയോ പ്രചരിച്ചതോടെ ഒറ്റദിവസം കൊണ്ട് ഹന്‍സികയുടെ സബ്‌സ്‌ക്രൈബേഴ്‌സിന്റെ എണ്ണത്തില്‍ വര്‍ദ്ധനവുണ്ടായി. നിലവില്‍ 1800ഓളം സബ്‌സ്‌ക്രൈബേഴ്‌സ് താരത്തിനുണ്ട്. ഡിഗ്രിയ്ക്ക് പഠിക്കുന്ന ഹന്‍സികയ്ക്ക് സ്വന്തമായി യൂട്യൂബ് ചാനലും ഇന്‍സ്റ്റഗ്രാമും ഉണ്ട്. രണ്ടിലും ലക്ഷക്കണക്കിന് ഫോളോവേഴ്‌സാണ് ഹന്‍സികയ്ക്കുള്ളത്. ഇപ്പോഴിതാ ഹന്‍സികയുടെ ഒരു വീഡിയോ ലീക്കായതിനെ തുടര്‍ന്ന് വ്യാപക വിമര്‍ശനമാണ് താരവും കുടുംബവും നേരിടുന്നത്. തന്റെ ഇന്‍സ്റ്റഗ്രാം സബ്‌സ്‌ക്രൈബേഴ്‌സിനായി പങ്കുവച്ച വീഡിയോ പുറത്തായതാണ് വിവാദങ്ങള്‍ക്ക് തുടക്കമിട്ടത്.

ബോള്‍ഡ് ലുക്കിലുള്ള വീഡിയോ ലീക്കായതാണോ അതോ മനഃപൂര്‍വം പുറത്തുവിട്ടതാണോ എന്നാണ് സോഷ്യല്‍ മീഡിയയില്‍ ഉയരുന്ന ചോദ്യം. സബ്‌സ്‌ക്രിപ്ഷന്‍ വരുമാനം വര്‍ദ്ധിപ്പിക്കാന്‍ വേണ്ടി നടത്തിയ നാടകമാണിതെന്നാണ് പ്രധാന ആരോപണം. നേരത്തെ 299 രൂപയായിരുന്ന സബ്‌സ്‌ക്രിപ്ഷന്‍ ഫീസ്, വീഡിയോ പുറത്തുവന്നതിന് പിന്നാലെ 390 രൂപയായി ഉയര്‍ത്തിയതും വിമര്‍ശകര്‍ ചൂണ്ടിക്കാട്ടുന്നു.

അതേസമയം, പ്രചരിക്കുന്ന വീഡിയോ യഥാര്‍ത്ഥമല്ലെന്നും എഐ ഉപയോഗിച്ച് നിര്‍മ്മിച്ച വ്യാജ വീഡിയോ ആണെന്നും ഒരു വിഭാഗം വാദിച്ചു. സംഭവത്തില്‍ ഹന്‍സികയോ കുടുംബമോ ഇതുവരെ പ്രതികരിച്ചിട്ടില്ല. ഇന്‍സ്റ്റഗ്രാമില്‍ 16 ലക്ഷത്തിലധികം ഫോളോവേഴ്‌സുള്ള ഹന്‍സിക സോഷ്യല്‍ മീഡിയയില്‍ ഏറെ സജീവമാണ്. നിലവില്‍ 'ബാച്ച്‌ലര്‍ പാര്‍ട്ടി 2' എന്ന ചിത്രത്തിലൂടെ നസ്ലിന്റെ നായികയായി സിനിമയില്‍ അരങ്ങേറ്റം കുറിക്കാനുള്ള തയ്യാറെടുപ്പിലാണ് ഹന്‍സിക.