നീണ്ട കാത്തിരിപ്പിന് ശേഷം അല്ലുഅര്‍ജുന്‍ മലയാളത്തില്‍ അഭിനയിക്കുന്നു. യോദ്ധാവ് ഉള്‍പ്പെടെയുള്ള സിനിമകള്‍ മലയാളത്തിലും നല്ല കലക്ഷന്‍ നേടിയിരുന്നു. പതിമൂന്ന് വര്‍ഷമായി സിനിമയിലെത്തിയ അല്ലുഅര്‍ജുന് കേരളത്തില്‍ നല്ല ആരാധകരുണ്ട്. അതുകൊണ്ടാണ് കുറേ നാളായി മലയാളത്തില്‍ അഭിനയിക്കണമെന്ന് താരവും ഇവിടുത്തെ ചില അണിയറ പ്രവര്‍ത്തകരും ആഗ്രഹിക്കുന്നു. എന്നാല്‍ പ്രതിഫലത്തിന്റെ പ്രശ്‌നം കാരണം പല പ്രോജക്ടുകളും മുടങ്ങി. 30 കോടിയിലധികംരൂപയാണ് താരത്തിന്റെ പ്രതിഫലം.
മലയാളികള്‍ക്ക് തന്നോടുള്ള സ്‌നേഹം മനസിലാക്കിയതിനെ തുടര്‍ന്നാണ് അല്ലുഅര്‍ജുന്‍ പ്രതിഫലം കുറയ്ക്കാന്‍ തീരുമാനിച്ചത്. മൂന്ന് വര്‍ഷമായി മലയാള സിനിമ ചെയ്യണമെന്ന് ആഗ്രഹിക്കുന്നു. രണ്ട് വര്‍ഷത്തിനുള്ളില്‍ സിനിമ ഉണ്ടാകുമെന്ന് താരം ആരാധകര്‍ക്ക് ഉറപ്പ് തരുന്നു. വാണിജ്യസിനിമയില്‍ അഭിനയിക്കുക എന്നത് ബുദ്ധിമുട്ടല്ല. പക്ഷെ, ഓരോന്നിലും പുതുമ കണ്ടെത്തുകയാണ് അല്ലുഅര്‍ജുന്റെ ലക്ഷ്യം. താരങ്ങള്‍ക്ക് നല്ല അഭിനേതാവാകാന്‍ കഴിയും എന്നാല്‍ നല്ല അഭിനേതാക്കള്‍ക്ക് താരമാകാന്‍ കഴിയില്ലെന്നും അല്ലുഅര്‍ജുന്‍ വിശ്വസിക്കുന്നു. 

അവസാനം റിലീസായ യോദ്ധാവില്‍ സാമൂഹ്യപ്രതിബദ്ധതയുള്ള കഥാപാത്രമാണ് അവതരിപ്പിച്ചത്. അതുകൊണ്ടാണ് കേരളത്തില്‍ ഇത്രയും മികച്ച പ്രതികരണം ലഭിച്ചത്. തമിഴ്‌നാട്ടിലും ചിത്രം നല്ല കളക്ഷന്‍ വാരിക്കൂട്ടി. നായകനായി മലയാളത്തില്‍ അഭിനയിക്കുമ്പോള്‍ എന്തെങ്കിലും ചെയ്യാന്‍ കഴിയുന്ന കഥാപാത്രമാവണം. അത്തരത്തിലൊന്ന് ഒത്തുവന്നിട്ടുണ്ട്. ബാക്കി കാര്യങ്ങള്‍ ഇപ്പോള്‍ പറയാനാവില്ലെന്നാണ് താരവുമായി ബന്ധപ്പെട്ട കേരളത്തിലെ കേന്ദ്രങ്ങള്‍ പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha