ഐറ്റം നമ്പരും ഗ്ലാമര്‍ വേഷങ്ങളും തനിക്ക് മടുത്തെന്ന് സണ്ണിലിയോണ്‍. എല്ലാ അഭിനേതാക്കളുടെയും കരിയറില്‍ ഉണ്ടാകുന്ന സ്റ്റീരിയോ ടൈപ്പ് പ്രതിസന്ധി തന്നെയും ബാധിച്ചെന്ന് താരം പറഞ്ഞു. 2012ല്‍ ബോളിവുഡില്‍ വന്ന കാലത്ത് പോണ്‍ സ്റ്റാര്‍ എന്ന് മാത്രമേ എല്ലാവരും തന്നെ കരുതിയുള്ളെന്ന് താരം പറഞ്ഞു. ഇപ്പോള്‍ ആസ്ഥിതി മാറിയെന്നും താരം പറഞ്ഞു. പല പ്രേക്ഷകരും താന്‍ നല്ല കഥാപാത്രങ്ങളെ അവതരിപ്പിക്കണമെന്ന് ആഗ്രഹിക്കുന്നവരാണ്. അതുകൊണ്ട് ഇനി അക്കാര്യത്തില്‍ കൂടുതല്‍ ശ്രദ്ധചെലുത്തുമെന്നും സണ്ണിലിയോണ്‍ പറഞ്ഞു. 
ജിസം ടുവിലൂടെയാണ് സണ്ണിലിയോണ്‍ സിനിമയില്‍ എത്തിയത്. രാഗിണി എം.എം.എസ്, ഏക് പെഹലി ലീല തുടങ്ങിയ ചിത്രങ്ങളിലും അഭിനയിച്ചു. മൂന്നും സാമ്പത്തികവിജയം നേടിയിരുന്നു. ഐ ലവ് യു ആലിയ എന്ന സിനിമയിലാണ് ഇപ്പോള്‍ താരം അഭിനയിക്കുന്നത്. വിവാഹമോചനത്തെ അടിസ്ഥാനമാക്കിയാണ് ചിത്രം ഒരുക്കുന്നത്. രാജ്യത്തെ ഏറ്റവും വലിയ പ്രശ്‌നങ്ങളിലൊന്നാണിത്. ജോലിസ്ഥലത്തെയും വീട്ടിലെയും മാനസിക പരിമുറുക്കങ്ങളാണ് വിവാഹമോചനം കൂടാന്‍ കാരണമെന്നും സണ്ണി ലിയോണ്‍ പറഞ്ഞു.

ദാമ്പത്യജീവിതത്തില്‍ വിശ്വാസവും ക്ഷമയുമാണ് പ്രധാനം. ഇത് രണ്ടുമില്ലാതെ പരസ്പരം മുന്നോട്ട് പോകാനൊക്കില്ല. താനും തന്റെ ഭര്‍ത്താവും ഇക്കാര്യങ്ങളില്‍ വിട്ട് വീഴ്ച ചെയ്യാറില്ലെന്നും താരം പറഞ്ഞു. ഭാര്യയ്ക്കും ഭര്‍ത്താവിനും എല്ലാ കാര്യങ്ങളിലും തുല്യ ഉത്തരവാദിത്തമാണ് ഉള്ളത്. പരസ്പരം പഴിചാരിയാല്‍ നഷ്ടം അവര്‍ക്ക് തന്നെയാണ്. പരസ്പരം സ്‌നേഹിക്കാനും ബഹുമാനിക്കാനും ശ്രമിച്ചാല്‍ ഏത് ബന്ധവും ദൃഢമാകുമെന്ന് സണ്ണിലിയോണ്‍ പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha