നിവിന്‍ പോളിയെ നായകനാക്കി എബ്രിഡ് ഷൈന്‍ സംവിധാനം ചെയ്ത ആക്ഷന്‍ ഹീറോ ബിജു എന്ന ചിത്രത്തില്‍ വളരെ കുറച്ച് സീനുകളില്‍ മാത്രം പ്രത്യക്ഷപ്പെട്ട സുരാജ് സെറ്റിലെ അനുഭവം പങ്കുവയ്കുന്നു. വളരെ ചെറിയ വേഷമാണെങ്കിലും ഏറ്റവും ശ്രദ്ധേയമായ റോള്‍ സുരാജിനായിരുന്നു എന്നു വേണം പറയാന്‍. ആ കഥാപാത്രത്തെ അവതരിപ്പിച്ച അനുഭവത്തെക്കുറിച്ച് സുരാജ് പറഞ്ഞത്.

'പോലീസ് സ്‌റ്റേഷനിലെ ആ സീന്‍ എടുത്തിട്ട് എബ്രിഡ് ഷൈന്‍ കട്ട് പറഞ്ഞു. പിന്നീട് കുറെ നേരം അദ്ദേഹം ഒന്നും മിണ്ടിയില്ല. ഞാന്‍ കരുതി ചെയ്തത് അദ്ദേഹത്തിന് ഇഷ്ടപ്പെട്ടു കാണില്ലെന്ന്. പക്ഷേ അദ്ദേഹം എന്റെ അടുത്തു വന്നു കെട്ടിപ്പിടിച്ചു. വളരെ ഇഷ്മായി എന്നു പറഞ്ഞു. സെറ്റില്‍ ഉണ്ടായിരുന്ന എല്ലാവരും അപ്പോള്‍ കൈയ്യടിച്ചു. സന്തോഷം കൊണ്ട് ആ രാത്രി ഉറങ്ങാന്‍ കഴിഞ്ഞില്ല'.ആക്ഷന്‍ ഹിറോ ബിജുവിലെ കഥാപാത്രത്തിനു പ്രേഷകരുടെ ഭാഗത്തു നിന്നു ലഭിച്ച അംഗീകാരം ദേശിയ അവര്‍ഡിനേക്കാള്‍ വിലമതിക്കുന്നു എന്നും സുരാജ് പറഞ്ഞു. നമ്മുടെ സിനിമ പ്രേഷകര്‍ കാണുന്നതിലാണു കാര്യം.

പവിത്രന്‍ എന്ന കഥാപാത്രത്തെ നല്‍കിയ എബ്രിഡ് ഷൈനോട് തീര്‍ത്താല്‍ തീരാത്ത കടപ്പാടുണ്ടെന്നും സുരാജ് പറഞ്ഞു.പുതിയ തലമുറയില്‍ പ്രതിഭയുള്ള എഴുത്തുകാരും നടന്മാരും ഉണ്ടെങ്കിലും നര്‍മ്മപ്രധാനമായ കഥാപത്രങ്ങള്‍ കുറവാണെന്നും സുരാജ് പറയുന്നു. പുതിയ തലമുറ പിന്തുടരുന്നതു തിരക്കഥയേയാണ്. ഇംപ്രൊവൈസേഷന്‍ അത്രത്തോളം ഉണ്ടെന്നു തോന്നുന്നില്ല. പക്ഷേ സിനിമയേക്കുറിച്ച് അവര്‍ക്ക് വ്യക്തമായ ധാരണയുണ്ട്. എന്താണു വേണ്ടത് എന്നതിനേക്കുറിച്ചും. ഒരു പ്രമുഖ മാധ്യമത്തിനു നല്‍കിയ അഭിമുഖത്തിലാണ് സുരാജ് ഇക്കാര്യം പറഞ്ഞത്.

മലയാളത്തില്‍ രണ്ടു തലമുറയുടെയും കൂടെ സഹകരിക്കാന്‍ അവസരം ലഭിച്ചതില്‍ സന്തോഷമുണ്ടെന്നു സുരാജ് പറഞ്ഞു. കൊച്ചവ്വ പൗലോ അയ്യപ്പ് കൊയ്‌ലോ, ഒരു മുത്തശ്ശി ഗാഥ, കരിങ്കുന്നം സിക്‌സസ്, പുലിമുരുകന്‍, ഷാജഹാനും പരിക്കുട്ടിയും തുടങ്ങിയ ചിത്രങ്ങളാണ് ഇനി സുരാജിന്റെതായി പുറത്തിറങ്ങാനിരിക്കുന്ന ചിത്രങ്ങള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha