തുര്‍ക്കിയില്‍ ഉണ്ടായ ഇസ്ലാമിക് സ്റ്റേറ്റ് ഭീകരാക്രമണത്തില്‍ നിന്നു ബോളിവുഡ് നടന്‍ ഹൃതിക് റോഷന്‍ തലനാരിഴയ്ക്ക് രക്ഷപ്പെട്ടു. അവധിക്കാല ആഘോഷങ്ങള്‍ക്കു ശേഷം മടങ്ങുകയായിരുന്ന ഹൃതിക് റോഷനും കുട്ടികളും ഇസ്താംബൂളില്‍ നിന്നു വിമാനം കയറിയതിനു പിന്നാലെയാണ് വിമാനത്താവളത്തില്‍ സ്‌ഫോടനം നടന്നത്.

അവധി ആഘോഷിക്കാന്‍ സ്‌പെയിനിലും ആഫ്രിക്കയിലും സഞ്ചരിച്ച ശേഷം ഇന്ത്യയിലേക്ക് മടങ്ങുകയായിരുന്ന ഹൃതിക് റോഷനും കുട്ടികള്‍ക്കും ഇസ്താംബൂള്‍ വിമാനത്താവളത്തില്‍ നിന്നായിരുന്നു കണക്റ്റിംഗ് ഫ്‌ലൈറ്റ്. എന്നാല്‍ കണക്റ്റിംഗ് ഫ്‌ലൈറ്റ് മിസ്സായതിനെ തുടര്‍ന്നു ബിസിനസ്സ് ക്ളാസിനു കാത്തു നില്‍ക്കാതെ ഇക്കോണോമിക് ക്ളാസില്‍ അന്ന് തന്നെ യാത്ര തിരിക്കുകയായിരുന്നു.

ഹൃതിക്കും കുട്ടികളും യാത്ര തിരിച്ച മണിക്കൂറുകള്‍ കഴിഞ്ഞപ്പോഴേക്കുമാണ് സ്‌ഫോടനം നടന്നത്. തുര്‍ക്കിയിലെ ഏറ്റവും വലിയ വിമാനത്താവളമാണ് ആക്രമണത്തിന് ഇരയായ ഇസ്താംബൂളിലെ അത്താതുര്‍ക്. ആക്രമണത്തില്‍ 36 പേര്‍ കൊല്ലപ്പെടുകയും 150 ഓളം പേര്‍ക്ക് പരുക്കേല്‍ക്കുകയും പലരുടെയും നില ഗുരുതരവുമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക https://www.facebook.com/Malayalivartha