അനുഷ്‌കയ്ക്ക് ഏറ്റവും ഇഷ്ടമുള്ള വിദേശ സ്ഥലം ലണ്ടനാണ്. അവിടുത്തെ ഭംഗീയും വൃത്തിയും ഗ്രാമീണതയുമെല്ലാം താരത്തിന് ഭ്രമമാണ്. വെക്കേഷനുകള്‍ എല്ലാം ലണ്ടനിലാണ്. അവിടുത്തെ ഓര്‍മകള്‍ സൗന്ദര്യപേടകം പോലെയാണ് താരം കൊണ്ടുനടക്കുന്നത്. എന്നാല്‍ വിദേശത്ത് എവിടെയ പോയാലും അനുഷ്‌ക ഷോപ്പിംഗ് നടത്താറില്ല. വിദേശ സൗന്ദര്യം ആസ്വദിക്കുക, അവിടുത്തെ കാലാവസ്ഥ ആസ്വദിക്കുക അല്ലാതെ വിദേശ ഉല്‍പന്നങ്ങളോട് ഭ്രമമില്ലെന്ന് താരം പറഞ്ഞു.

ഷോപ്പിംഗിന് ഹൈദരാബാദും ബാംഗ്ലൂരുമുള്ളപ്പോള്‍ എന്തിന് മറ്റൊരിടം തേടണം എന്നാണ് താരം ചോദിക്കുന്നത്. എന്നാല്‍ തന്റെ അടുത്ത സുഹൃത്ത് തമന്ന അങ്ങനെയല്ലെന്നാണ് താരം പറയുന്നത്. സമയം കിട്ടുമ്പോഴൊക്കെ തമന്ന ദുബായ്ക്ക് പറക്കുമെന്ന് അനുഷ്‌ക പറഞ്ഞു. ഷോപ്പിംഗിന് ഇത്രയും നല്ല സ്ഥലം ലോകത്ത് എങ്ങുമില്ല. തമന്ന കോസ്റ്റിയൂംസും മേക്കപ്പ് സാധനങ്ങളും ദുബായില്‍ നിന്നാണ് വാങ്ങുന്നത്. ലോകത്ത് പല രാജ്യങ്ങളിലും തമന്ന പോയിട്ടുണ്ട്. അവിടങ്ങളിലെയെല്ലാം ആരാഹങ്ങളുടെ രുചിയറിയാം. സംസ്‌കാരവും ആകര്‍ഷിച്ചിട്ടുണ്ട്. എന്നാല്‍ ദുബയ് പോലെ തന്നെ ആകര്‍ഷിച്ച മറ്റൊന്നുമില്ലെന്ന് തമന്ന പറയും.